BNG da Deputación da Coruña Novas

Novas
Natividade González, durante a súa intervención hoxe no Museo do Pobo

Natividade González defende o modelo cultural do BNG na Deputación como «vangarda dunha cultura que coida, concilia e tece redes de apoio e convivencia»

25/set./2024
A deputada de Cultura presentou hoxe no Museo do Pobo Galego  o libro A cultura é un dereito. Unha visión social da cultura, editado polo seu departamento. Foi durante o programa do 'X Encontro Cultura e Cidadanía' do Ministerio de Cultura, que se está a desenvolver desde onte en Compostela. Acompañou a González a investigadora, creadora e xestora cultural, Sabela Mendoza, nunha conversa moderada polo coordinador da publicación, Alberto de Boiro.
Ler novas
Regueira, durante a súa intervención na Noite de Embaixadores

Regueira pide unha nova lei de turismo e anuncia que a Deputación reforzará a liña de axudas ao sector MICE

13/set./2024
Foi onte na Noite de Embaixadores, onde lle entregou á doutora Marisa Crespo o Premio Embaixadora A Coruña MICE Evento Internacional, celebrou os bos datos do turismo en 2024 e falou de aplicar medidas para buscar solucións á crise de man de obra do sector, mellorar a conectividade exterior con mercados clave para atraer a un perfil de visitante con maior capacidade adquisitiva e para xestionar con máis eficacia a percepción do turismo na sociedade.
Ler novas
Penas, na presentación da guía hoxe no Castelo de Vimianzo

Xosé Penas insiste na necesidade da colaboración entre as administracións públicas e o sector privado para ofrecerlle á cidadanía unha cultura de calidade

10/set./2024
«Iniciativas coma 'Noites na Cidade Vella'», dixo o titular de Patrimonio na presentación hoxe do ciclo, «son posibles en parte grazas a achega que fai o departamento de Cultura da Deputación a través das súas liñas de subvencións para fundacións, pero tamén representan dalgún xeito, o mesmo que o noso festival ‘Espazos Sonoros’, do que estamos a gozar este mes, moito de aquilo polo que traballamos dende o grupo provincial do BNG: a cultura, o patrimonio en si mesmo, a arquitectura das cidades e a historia». 
Ler novas
Xosé Penas, na súa intervención na entrega de distincións

Xosé Penas: «O festival Espazos Sonoros é claro exemplo da obriga que contraeu o BNG de pensar outros xeitos de facer cultura e de poñer en valor o patrimonio provincial»

01/set./2024
«Hoxe comeza aquí un festival no que se fala de música e de patrimonio, pero que se converte nun eixo sensitivo e transversal que vai dende o eido social do territorio para primar a proximidade e a universalidade dun país que é único e poucas veces valorado; unha viaxe que pon en valor a nosa historia, a nosa economía e o noso turismo e que confirma que estamos diante dun ciclo de excepcional calidade», salientou Penas na presentación do concerto inaugural do ciclo organizado polo seu departamento.
Ler novas
A deputada de Cultura, Natividade González

Natividade González: «O ámbito dos festivais é un dos que máis está a centrar as políticas de fomento da área de Cultura da Deputación da Coruña nos últimos anos»

27/xuño/2024
«Desde o noso departamento, o BNG atendende xeito específico á realidade dos festivais, con liñas de axudas personalizadas, criterios claros e transparentes e permanente diálogo coas entidades interlocutoras dos diferentes sectores», explicou González sobre a concesión definitiva do programa  FO221/2024, de subvencións a concellos para o desenvolvemento de festivais audiovisuais, musicais e de artes escénicas na provincia da Coruña en 2024.
Ler novas
Regueira, durante a súa intervención na presentacións das probas, hoxe en Compostela

Xosé Regueira: «O surf é un elemento tractor para o turismo, pois falar de surf é falar de economía»

06/xuño/2024
O vicepresidente participou, esta mañá en Compostela, na presentación das tres probas que a World Surf League celebrará en 2024 na provincia da Coruña, as únicas en España, co apoio da Deputación: o Gadis Longboard Festival Ferrol (do 13 ao 16 de xuño), o Abanca Pantín Classic Galicia Pro (Valdoviño, do 24 de agosto ao 1 de setembro) e o Cabreiroá Junior Pro Razo (Carballo, do 24 ao 28 de de setembro).
Ler novas
Agra, na súa intervención, hoxe, na inauguración do congreso A memoria diversa

Sol Agra comprométese a normalizar desde a Deputación a vida das persoas que son discriminadas por razón da súa orientación sexual ou identidade de xénero

31/maio/2024
«Non debemos deixar que sigan medrando os discursos de odio da dereita; non podemos permitir que as redes sociais eduquen a rapazada no rexeitamento á non heteronormatividade», afirmou a deputada de Igualdade e Dereitos Civís na inauguración, esta tarde, do III Congreso A memoria é diversa, organizado polo seu departamento.
Ler novas
A responsable provincial de Cultura, Natividade González

Natividade González: «A Rede Cultural da Deputación consolídase como o circuíto máis sólido no territorio»

30/maio/2024
«O territorio», salientou González, «é precisamente un dos piares nos que se asentan as políticas culturais do BNG na Deputación: apostamos por un modelo que tece redes e iso fai a Rede Cultural, que, desde a proximidade, achega a cultura a todos os municipios da provincia e ten como protagonistas as e os profesionais máis importantes da  nosa música, as nosas artes escénicas e o noso audiovisual».
Ler novas
Agra e González, nunha reunión de traballo na sede da Deputación

Agra e González destacan o esforzo económico da Deputación nas liñas de subvencións aos servizos de normalización lingüística e ao personal técnico de museos

27/maio/2024
Segundo a deputada de Cultura, «a Deputación ten que reforzar a estrutura de traballadores e a capacidade económica dos concellos para que melloren e profesionalicen o persoal técnico de museos e centros museísticos”. Para a tiular de Lingua, “o ámbito público debe ser exemplar no seu esforzo e compromiso para facer posible na Galiza o que hoxe claramente non o é: poder vivir con normalidade en galego, en todos os campos da vida social, cultural e económica».
Ler novas
Agra, na súa intevención na gala celebrada onte no Teatro Colón da Coruña

Sol Agra avoga por "formar parte" do compromiso e da solidariedade na gala de homenaxe a Luísa Villalta

16/maio/2024
A titular de Igualdade lembrou os versos da homenaxeada este ano polas Letras Galegas para facer unha sentida alegación contra os discursos de odio e o xenocidio do pobo palestino, e en defensa da xusticia social. Acompañaron a Agra no Colón Xosé Regueira, Natividade González e Avia Veira, nunha velada á que Cristina Rey e Xosé Penas non puideron asistir por outros compromisos institucionais.
Ler novas