Xosé Penas inaugurou hoxe en Compostela as XIX Xornadas de Economía Crítica, que se celebrarán do 12 ao 14 de xuño na capital galega, organizadas pola Asociación de Economía Crítica e a Facultade de Ciencias Económicas e Empresariais da USC co apoio da Deputación da Coruña.

O responsable provincial de Contratación e Patrimonio salientou a importancia de «buscar novas formas de facer economía, cunha perspectiva global común, sostible, de progreso e que teña en conta os dereitos humanos para construír unha realidade máis xusta».

«A economía», defendeu Penas, «debe ser o medio de transmisión que analice de xeito singular todas as teorías e as solucións aos retos actuais». «As facultades coma esta», engadiu, «son o faro de coñecemento, mais tamén a luz que nos ensina a pensar diferente». E concluíu: «A economía do futuro debe ser verde, feminista, social e crítica».

O deputado do BNG cadrou esta mañá na apertura das xornadas cun dos relatores, o economista británico Michael Roberts, seguidor da visión marxista da sociedade durante más de 40 años. Na súa intervención, Roberts ofreceu un atinadísimo diagnóstico da policrisis del capitalismo tardío.