BNG da Deputación da Coruña Novas

Novas
Regueira, na inauguración hoxe do Cimix Narón

Regueira defende a «lealdade institucional» da Deputación para apoiar proxectos coma o Cimix Narón, «de interese para toda a provincia»

21/nov./2024
«Este patrimonio industrial vaille dar valor ao Camiño Inglés e contribuír a unha oferta turística máis diversificada no concello, en Ferrolterra e en toda a provincia, por iso non podemos máis que que festexar este momento», dixo o vicepresidente na presentación hoxe do Centro de Interpretación que explicará a historia dun conxunto etnográfico que data do século XVIII.
Ler novas
Regueira, durante a súa intervención na presentación dos orzamentos, hoxe na sede provincial

Regueira salienta o esforzo investidor da Deputación fronte a Xunta e o Goberno estatal na presentación dos orzamentos provinciais para 2025

12/nov./2024
«Se desaparecese o labor de fomento da Deputación da Coruña no ámbito territorial da provincia, seguramente caerían a maioría dos tecidos cultural e deportivo, e xa non digamos o labor de planificación e de investimento dos concellos: dos 93 municipios coruñeses, á parte as cidades e as grandes obras hidráulicas da comunidade autónoma, as máis de mil obras públicas que se fan na provincia teñen detrás o esforzo investidor da Deputación», afirmou o vicepresidente.
Ler novas
Regueira, nunha das actividades de Turismo da Deputación no Gastronomic Forum Barcelona

Xosé Regueira valora «moi positivamente» a participación de Turismo da Deputación no Gastronomic Forum Barcelona 2024

06/nov./2024
«Viñemos a Barcelona con veinte e cinco accións gastronómicas, como degustacións e cociña en vivo, e demostramos que estamos aliñados claramente cun produto sostible, moi arraigado no territorio, capaz de asentar poboación no rural e que, por riba de todo, lle dá á gastronomía toda a importancia que ten e merece», afirmou hoxe o vicepresidente provincial ao remate da feira.
Ler novas
Regueira, na súa intervención no falodoiro celebrado en Betanzos

Xosé Regueira: «O obxectivo de Degusta A Coruña é poñer en valor o noso sector agroalimentario e falar do futuro do turismo e da gastronomía»

28/out./2024
«A Axenda 2030 obríganos a repensar moitas outras cuestións, tamén relacionadas coa gastronomía, tanto a nivel global coma local, e este foro parécenos un espazo idóneo para reflexionar sobre eses retos de futuro», sinalou o vicepresidente na xornada inaugural do novo congreso organizado polo departamento de Turismo da Deputación.
Ler novas
Regueira, na súa intervención en Xantar, hoxe en Ourense

Xosé Regueira: «O turismo da provincia é competitivo en todo o mundo pola calidade da nosa gastronomía»

26/out./2024
«Temos a sorte de que a nosa provincia sexa un destino de refuxio porque mantén as catro estacións, o que posibilita que contemos cunha cociña de temporada que nos fai atractivos para o visitante en calquera mes do ano», salientou hoxe o vicepresidente no acto central do 25º Salón Internacional de Turismo Gastronómico Xantar, que se está a celebrar en Ourense.
Ler novas
Regueira, durante a súa intervención no VIII Foro Territorios Patrimonio, hoxe en Monforte

Xosé Regueira: «A nosa estratexia turística pasa por contribuír a protexer o territorio tendo en conta a poboación local como factor de rendibilidade»

21/out./2024
«Cos cinco Plans de Sustentabilidade Turística en Destino que temos en marcha perseguimos ademais unha xestión máis eficaz de fluxos, co obxectivo de que se descubran outros destinos da nosa provincia, e unha mellor distribución da riqueza turística, para que repercuta tamén na pequena economía local», afirmou hoxe o vicepresidente no VIII Foro Territorios Patrimonio, que se está a celebrar en Monforte.
Ler novas
Suárez e Agra levan un coroa de flores á placa que lembra as Mártires

Sol Agra fai unha defensa das mulleres e da soberanía fiscal para Galiza na homenaxe do BNG ás Mártires de Nebra

12/out./2024

«Hoxe, 12 de outubro, nós non temos nada que celebrar desa Hispanidade, que significa imposición, militarismo, racismo e corrupción; nós hoxe homenaxeamos a memoria de Francisca Carou, Ramona Suárez Pouso, Xenerosa Vidal Cadórniga, Rosa Cadórniga Maneiro e Antonio Sobrado Luaces; celebramos un episodio de loita e resistencia fronte ao centralismo español que fai parte da historia da nosa nación, sistematicamente ocultada, silenciada e manipulada», dixo Agra.

Ler novas
Regueira e Veira conversan con Husni Abdel Wahed, hoxe na sede da Deputación

Xosé Regueira e Avia Veira trasládanlle ao embaixador de Palestina en España a solidariedade do BNG co pobo palestino

10/out./2024
O vicepresidente e a nosa voceira na corporación manifestáronlle ao diplomático a súa preocupación «pola escalada de violencia que está a perpretar o Goberno sionista de Israel» e o seu asombro «pola pasividade de Occidente, que segue a consentir, por unha banda, o xenocidio do pobo palestino, e por outra, a estratexia de ocupación e bombardeo de estados soberanos».
Ler novas
Natividade González, durante a súa intervención hoxe no Museo do Pobo

Natividade González defende o modelo cultural do BNG na Deputación como «vangarda dunha cultura que coida, concilia e tece redes de apoio e convivencia»

25/set./2024
A deputada de Cultura presentou hoxe no Museo do Pobo Galego  o libro A cultura é un dereito. Unha visión social da cultura, editado polo seu departamento. Foi durante o programa do 'X Encontro Cultura e Cidadanía' do Ministerio de Cultura, que se está a desenvolver desde onte en Compostela. Acompañou a González a investigadora, creadora e xestora cultural, Sabela Mendoza, nunha conversa moderada polo coordinador da publicación, Alberto de Boiro.
Ler novas
Regueira, durante a súa intervención na Noite de Embaixadores

Regueira pide unha nova lei de turismo e anuncia que a Deputación reforzará a liña de axudas ao sector MICE

13/set./2024
Foi onte na Noite de Embaixadores, onde lle entregou á doutora Marisa Crespo o Premio Embaixadora A Coruña MICE Evento Internacional, celebrou os bos datos do turismo en 2024 e falou de aplicar medidas para buscar solucións á crise de man de obra do sector, mellorar a conectividade exterior con mercados clave para atraer a un perfil de visitante con maior capacidade adquisitiva e para xestionar con máis eficacia a percepción do turismo na sociedade.
Ler novas
Penas, na presentación da guía hoxe no Castelo de Vimianzo

Xosé Penas insiste na necesidade da colaboración entre as administracións públicas e o sector privado para ofrecerlle á cidadanía unha cultura de calidade

10/set./2024
«Iniciativas coma 'Noites na Cidade Vella'», dixo o titular de Patrimonio na presentación hoxe do ciclo, «son posibles en parte grazas a achega que fai o departamento de Cultura da Deputación a través das súas liñas de subvencións para fundacións, pero tamén representan dalgún xeito, o mesmo que o noso festival ‘Espazos Sonoros’, do que estamos a gozar este mes, moito de aquilo polo que traballamos dende o grupo provincial do BNG: a cultura, o patrimonio en si mesmo, a arquitectura das cidades e a historia». 
Ler novas
Xosé Penas, na súa intervención na entrega de distincións

Xosé Penas: «O festival Espazos Sonoros é claro exemplo da obriga que contraeu o BNG de pensar outros xeitos de facer cultura e de poñer en valor o patrimonio provincial»

01/set./2024
«Hoxe comeza aquí un festival no que se fala de música e de patrimonio, pero que se converte nun eixo sensitivo e transversal que vai dende o eido social do territorio para primar a proximidade e a universalidade dun país que é único e poucas veces valorado; unha viaxe que pon en valor a nosa historia, a nosa economía e o noso turismo e que confirma que estamos diante dun ciclo de excepcional calidade», salientou Penas na presentación do concerto inaugural do ciclo organizado polo seu departamento.
Ler novas