O Pazo de Mariñán acolle hoxe a 18ª xornada do programa 'A cultura é un dereito’, organizada pola área de Cultura da Deputación coa colaboración da Oficina Galega de Outros Asuntos do Movemento e a Asociación A Memoria é Náufraga. Co nome ‘Arte e saúde. A música’, os relatorios céntrase, nesta edición, na relación entre eses dous ámbitos e na música como ferramenta social e terapéutica.

Abriu a xornada Natividade González, «un programa de primeirísimo nivel, diverso e ambicioso, como é a nosa cultura». «Os relatorios», explicou a deputada, «céntranse «nunha temática pouco explorada, a da relación entre arte e saúde; concretamente, da música». «A cultura», abundou, «é un dereito porque, entre outras cousas, mellora as nosas vidas, o noso benestar e a nosa saúde. Son infinitos os exemplos de como a arte serve para apoiar tratamentos sanitarios a nivel cognitivo, emocional e físico en todas as etapas da vida. E hoxe veremos algúns».

«Dende a área de cultura da Deputación», dixo González, «somos moi conscientes de todo isto; de que a cultura é moito máis ca un concerto, unha exposición ou unha obra de teatro. Sabemos do seu efecto sanador, da súa esencialidade coma elemento transformador, de identidade e evolución, a todos os niveis, da nosa sociedade».  «Por iso», rematou, «dende esta administración pública seguiremos defendendo este lema de “A cultura é un dereito” e apoiando a cultura dende todos os ámbitos posibles».