BNG da Deputación da Coruña cultura

cultura
Novas
Méndez, Regueira, Sutil, Ferrero, González e Villa, hoxe na presentación do festival

Xosé Regueira e Natividade González destacan o Interplay como «espazo de diálogo, liberdade e vangarda», na presentación da 12ª edición do festival carballés

22/abr./2025

«O Interplay é un lugar para poder enriquecerese: eu sempre aprendo moitísitimas cousas en cada edición, e podo asegurar que quen o coñece repite», dixo o vicepresidente sobre un festival que naceu e medrou grazas ao seu apoio. «Regueira», afirmou a deputada de Cultura, «soubo mirar máis alá do cotián, apostar pola innovación e dar proxección a Carballo como epicentro da creatividade e da innovación cultural, non só con esta iniciativa, senón con moitas outras que levan a marca da imaxinación, do compromiso e da visión estratéxica».

Ler novas
Novas
Natividade e González, na súa visita hoxe a OSG no Palacio da Ópera

Avia Veira destaca «a importancia revolucionaria do común nun tempo de emerxencia no mundo» na entrega a Manuel Rivas do premio Coruñés do ano, do Circo de Artesáns

20/mar./2025
A portavoz do grupo provincial do BNG puxo en valor o traballo do Circo durante os seus 178 anos de vida: «Falamos dunha entidade senlleira na cultura da cidade, da provincia e do país; a sociedade viva máis antiga de Galiza e un fervedoiro cultural polo que pasaron personalidades como Manuel Murguía, Concepción Arenal, Ortega y Gasset, Miguel de Unamuno, Castelao, Vicente Risco, Emilia Pardo Bazán, Otero Pedrayo, Sofía Casanova e tantas outras».
Ler novas
Novas
Natividade González, na presentación do Resis 2025, hoxe na Coruña

Natividade González: «Na área de Cultura da Deputación o BNG segue a apostar por políticas públicas a prol da recuperación do sentido de identidade, de comunidade e de pertenza»

17/feb./2025
O departamento que xestiona a titular provincial de Cultura vén de convocar a primeira edición do Fondo de proxectos singulares en lingua galega de especial interese cultural e orientados á mellora social. Un certame que repartirá 300 000 euros entre vinte iniciativas de acción social relacionadas coa igualdade, os dereitos civís, o respecto á diversidade, o respecto medioambiental, o medre da estima colectiva e cohesión social, a integración social, a memoria democrática ou a sensibilización patrimonial e identidade local.
Ler novas
Novas
A responsable provincial de Cultura, Natividade González

Natividade González: «A profesionalización dos servizos de cultura dos concellos é imprescindible para achegar unha oferta de calidade a toda cidadanía»

15/xan./2025

A Deputación subvencionará este ano con 740 000 euros os gastos de persoal técnico de animación cultural e do encargado da xestión cultural nas entidades municipais en 2025, unhas axudas que se repartirán entre 61 beneficiarios e que, segundo González, «contribuirá ao mantemento e á mellora no recoñecemento do perfil profesional nos postos de traballo, sempre desde o necesario respecto á autonomía municipal».

Ler novas
Novas
Natividade González, durante a súa intervención hoxe no Museo do Pobo

Natividade González defende o modelo cultural do BNG na Deputación como «vangarda dunha cultura que coida, concilia e tece redes de apoio e convivencia»

25/set./2024
A deputada de Cultura presentou hoxe no Museo do Pobo Galego  o libro A cultura é un dereito. Unha visión social da cultura, editado polo seu departamento. Foi durante o programa do 'X Encontro Cultura e Cidadanía' do Ministerio de Cultura, que se está a desenvolver desde onte en Compostela. Acompañou a González a investigadora, creadora e xestora cultural, Sabela Mendoza, nunha conversa moderada polo coordinador da publicación, Alberto de Boiro.
Ler novas
Novas
Penas, na presentación da guía hoxe no Castelo de Vimianzo

Xosé Penas insiste na necesidade da colaboración entre as administracións públicas e o sector privado para ofrecerlle á cidadanía unha cultura de calidade

10/set./2024
«Iniciativas coma 'Noites na Cidade Vella'», dixo o titular de Patrimonio na presentación hoxe do ciclo, «son posibles en parte grazas a achega que fai o departamento de Cultura da Deputación a través das súas liñas de subvencións para fundacións, pero tamén representan dalgún xeito, o mesmo que o noso festival ‘Espazos Sonoros’, do que estamos a gozar este mes, moito de aquilo polo que traballamos dende o grupo provincial do BNG: a cultura, o patrimonio en si mesmo, a arquitectura das cidades e a historia». 
Ler novas
Novas
A deputada de Cultura, Natividade González

Natividade González: «O ámbito dos festivais é un dos que máis está a centrar as políticas de fomento da área de Cultura da Deputación da Coruña nos últimos anos»

27/xuño/2024
«Desde o noso departamento, o BNG atendende xeito específico á realidade dos festivais, con liñas de axudas personalizadas, criterios claros e transparentes e permanente diálogo coas entidades interlocutoras dos diferentes sectores», explicou González sobre a concesión definitiva do programa  FO221/2024, de subvencións a concellos para o desenvolvemento de festivais audiovisuais, musicais e de artes escénicas na provincia da Coruña en 2024.
Ler novas
Novas
A responsable provincial de Cultura, Natividade González

Natividade González: «A Rede Cultural da Deputación consolídase como o circuíto máis sólido no territorio»

30/maio/2024
«O territorio», salientou González, «é precisamente un dos piares nos que se asentan as políticas culturais do BNG na Deputación: apostamos por un modelo que tece redes e iso fai a Rede Cultural, que, desde a proximidade, achega a cultura a todos os municipios da provincia e ten como protagonistas as e os profesionais máis importantes da  nosa música, as nosas artes escénicas e o noso audiovisual».
Ler novas
Novas
Agra e González, nunha reunión de traballo na sede da Deputación

Agra e González destacan o esforzo económico da Deputación nas liñas de subvencións aos servizos de normalización lingüística e ao personal técnico de museos

27/maio/2024
Segundo a deputada de Cultura, «a Deputación ten que reforzar a estrutura de traballadores e a capacidade económica dos concellos para que melloren e profesionalicen o persoal técnico de museos e centros museísticos”. Para a tiular de Lingua, “o ámbito público debe ser exemplar no seu esforzo e compromiso para facer posible na Galiza o que hoxe claramente non o é: poder vivir con normalidade en galego, en todos os campos da vida social, cultural e económica».
Ler novas
Novas
González, durante a reunión do xurado das Residencias Mariñán de música

Natividade González e Sol Agra inauguraron na Pobra do Caramiñal a exposición itinerante do XVIII Certame de Arte Isaac Díaz Pardo

10/maio/2024
«A cultura é un dereito, como xa vén demostrando o BNG desde hai anos no departamento de Cultura da Deputación. E é un dereito accesible en todos os concellos e para todas as persoas; por iso esta mostra poderá verse, ao longo de 2024, en Ames, Cee, Culleredo, Narón, Noia, Ortigueira, Outes, Porto do Son e Ribeira, ademais de na Pobra», dixo González.
Ler novas