cultura

«A exposición», salientou Couto, «está concibida para dar a coñecer o papel das mulleres cunha visión moi ampla tanto en tempo histórico como en protagonistas, ilustrando con imaxes todas as épocas do pasado século a través das loitas, reivindicacións e fitos destacados nos que participaron».

Comezará ás 19 horas, con entrada de balde ata completar aforo, e reunirá as doce persoas e entidades premiadas nos certames Torrente Ballester de narrativa, Raíña Lupa de literatura xuvenil, Miguel Garcés de poesía, Castelao de banda deseñada, Luís Ksado de fotografía, Antón Fraguas de artesanía, Narf de música, Jesús Núñez de arte gráfica e Begoña Caamaño de acción cultural pola igualdade.

«Seguimos ofrecendo un espazo de programación artística que ten como obxectivo principal garantir unha oferta diversificada e de calidade en toda a provincia. Oriéntase, polo tanto, a favorecer a capacidade dos municipios coruñeses para desenvolveren propostas culturais para os seus veciños e veciñas», sinala o deputado. O prazo para que os concellos presenten ás solicitudes de actuacións estará aberto do 17 ao 31 de marzo.

O deputado lembrou que a través deste programa da área de Cultura da Deputación se destinan uns 2 millóns de euros anuais a cofinanciar a programación dos concellos e das entidades sen ánimo de lucro, "contabilizando ao redor de 2500 actuacións ao ano e dando lugar a un espazo de traballo moi relevante para os sectores profesionais da cultura galega". 

Na inauguración, este martes, da exposición do Premio Ksado de fotografía 2022, convocado pola Deputación da Coruña, o responsable provincial de Cultura felicitou o gañador, o ourensán Brais Lorenzo: "O relato da serie que presentou apela ás nosas conciencias e móvenos á reflexión, ao máis puro estilo do fotoxornalismo de denuncia social".

Na inauguración do Congreso sobre o Reino de Galiza, o deputado provincial de Cultura salientou a importancia do foro que se celebra do 19 ao 22 de setembro de 2022 no Museo do Pobo Galego Santiago de Compostela: "Permítenos exercer o dereito a saber de nós, a estudar e investigar, desde o rigor e o compromiso científico, a historia dun período absolutamente central para o noso país".

O vicepresidente e responsable de Turismo, Xosé Regueira, salientou a relevancia da cita, “que forma parte verdadeira do patrimonio inmaterial  non só do territorio da Costa da Morte, senón de toda Galiza”. “O público e os visitantes que se acheguen ao Couto poderán ademais coñecer os proxectos que estamos a desenvolver desde a área de Turismo no territorio da Costa da Morte e, nomeadamente, en Ponteceso, caso do Plan do Megalitismo”.

"Estamos hoxe aquí”, dixo o responsable provincial de Cultura na súa intervención, “para facer memoria, porque conservar a memoria, verdadeiro patrimonio inmaterial, é importante para lembrar quen fomos e por iso somos". "Hoxe non só lembramos unha parte da nosa historia, senón que honramos a persoas que hai 125 anos arriscaron a vida por salvar a de doutros e mesmo os acolleron nas súas casas logo do traxedia”.

“Esta nova liña de traballo", explicou o responsable provincial de Cultura, "está baseada en poñer en valor a historia que nos é propia". Couto cualificou o período medieval “como un dos períodos de máis esplendor e dos máis identitarios como pobo, polo que queremos contribuír a dalo a coñecer desde a nosa perspectiva, e superar a visión de como nolo contaron desde fóra”.

Para o deputado provincial de Cultura, Xurxo Couto, "a diversidade de propostas que concorreron a esta primeira convocatoria das Residencias Artísticas Mariñán de Literatura confirma a pluralidade de temas e intereses que hai actualmente nas investigacións e na literatura de noso”. Paula Domínguez, Judith Ruso, Xerardo X. Pereiro Pérez e Abraham Pérez Fernández, foron as persoas seleccionadas para as Residencias Artísticas Mariñán na modalidade de Pensamento.

“Estamos firmemente convencidos da necesidade de que todas as sociedades deben coñecer o seu pasado para poder recoñecerse no presente”, sinalou o responsable provincial de Cultura. "Queremos contribuír, con humildade pero con determinación, a que a sociedade galega coñeza mellor o pasado do noso país e a historia social e política do que foi Galiza ao longo dos séculos”.

Couto lembrou que a posta en marcha das Residencias Artísticas é unha nova liña de traballo no apoio á creación, que vén unirse á convocatoria de certames. "Neste sentido", explicou, "pensamos que é fundamental que as institucións públicas creemos contextos favorables para que creadores e creadoras poidan desenvolver o seu talento e as súas propostas nas mellores condicións". Logo de coñecer de primeira man o proceso de creación e investigación no que están inmersas Sabela Caamaño e Antía Ameixeiras, o responsable provincial de Cultura indicou que o seu departamento está a traballar nunha "proposta que bebe da tradición e dos arquivos sonoros galegos que empregará unha linguaxe contemporánea que vai dar moito que falar nos vindeiros tempos".

Propostas escénicas, musicais, de edición e literatura, proxectos audiovisuais, animación en 3D, unha web sobre fortalezas, un cartafol de ilustracións e mesmo un estudo sobre tipografía medieval, entre as propostas seleccionadas nesta primeira convocatoria. "A avalancha de solicitudes recibidas indícanos que existe un tecido cultural moi interesado en crear contidos e produtos relativos ao período medieval galego", afirmou Couto.

A biblioteca provincial acolleu esta mañá a presentación dos catro primeiros volumes dos sete que recollen a obra completa de Manuel Lourenzo e na que participaron, ademais do propio dramaturgo, o vicepresidente da Deputación e o presidente da Federación Galiza Cultura, Xosé Manuel Carril