turismo
Novas
Regueira, na presentación hoxe da campaña no  Galicia Fórum Gastronómico

Xosé Regueira: "Queremos que cando o público escoite 'A provincia que sabe' pense automaticamente na Coruña"

O vicepresidente provincial e titular de Turismo presentou hoxe, no  Galicia Fórum Gastronómico, a campaña do seu departamento para identificar gastronomía de calidade e sustentable. 'A provincia que sabe', segundo Regueira, parte dun lema xa coñecido no ámbito do promoción gastronómica "para aproveitar unha idea xa instalada no imaxinario colectivo –saber + sabor– e utilizala con intelixencia, porque queremos que cada vez que se fale de produto galego que sabe, de xeito instantáneo se identifique coa provincia da Coruña e coa excelencia, tanto dos nosos produtos como do bo facer dos cociñeiros e cociñeiras".
Ler novas
Novas
Regueira, durante a súa intervención na inauguración do Fórum

Xosé Regueira defende a gastronomía como “eixo fundamental para a promoción do territorio” no ‘Galicia Fórum Gastronómico’

O vicepresidente lembrou, durante o acto oficial de apertura do evento, que a Deputación presentará este martes unha marca gastronómica propia para recoñecer e identificar a calidade, sustentabilidade e vinculación co territorio de produtos agroalimentarios e establecementos de restauración da provincia. "Esta promoción é posible", afirmou, "grazas á profesionalidade e á competitividade dos profesionais do sector, desde os produtores e os distribuidores ata os cociñeiros e cociñeiras da provincia". 

Ler novas
Novas
Regueira, durante a presentación do Fórum 2022, o pasado mes de maio

Xosé Regueira: "No Galicia Fórum Gastronómico presentaremos unha marca turística e gastronómica propia para a provincia da Coruña"

"Durante os últimos anos estamos realizando un tipo de promoción turística baseada na gastronomía ligada ao territorio, que xunta tradición e innovación, que pon en valor a economía circular e amosa a profesionalidade dos cociñeiros e cociñeiras que traballan nesta liña", asegura o vicepresidente provincial. "E unha promoción que sabemos que funciona para atraer un tipo de turismo de calidade, visitantes que buscan produtos e experiencias que sexan xenuínas, que non van poder atopar noutro lugar, e que ademais sexan social e economicamente sustentables, nos que a produción de proximidade é fundamental para dar resposta a grandes retos como o cambio climático e a ecoloxía".
Ler novas
Novas
Regueira, en Cabo Ortegal cos representantes das institucións implicadas no proxecto

Xosé Regueira: “A candidatura de Cabo Ortegal a Xeoparque da Unesco xa está rendendo no territorio desde o punto de vista da sustentabilidade, da economía e do turismo”

O vicepresidente provincial e titular de Turismo mostrouse optimista sobre que a Unesco recoñeza Cabo Ortegal como Xeoparque Mundial, logo da inspección que fixo á comarca, do 28 a 30 de agosto, un comité técnico avaliador designado pola organización internacional. Tamén lembrou que Deputación xa comprometeu para o territorio cariñés unha achega de 600.000 euros, aos que hai que sumar outro millón e medio con cargo ao Plan de Sustentabilidade Turística en Destino

Ler novas
Novas
Xosé Regueira, Blas García e Ángel García, durante a firma do convenio

Xosé Regueira asinou os convenios coa Mostra de Olería de Buño e coa feira Alfaoleiros, para as que a Deputación compromete este ano 110.000 euros

A mostra malpicá contará nos orzamentos provinciais deste exercicio cunha axuda de 80.000 euros, mentres que a feira de Oleiros recibirá unha achega de 30.000 euros. “Na Deputación colaboramos desde hai anos con eventos destas características, nos que se pode incluír a Mostra do encaixe de Camariñas, tamén na Costa da Morte, cuxo impacto social, cultural e económico fan que sexan singulares”, explicou o vicepresidente.

Ler novas
Novas
Regueira, durante a su intervención no Reina Sofía

Regueira defende no Reina Sofía o traballo de Turismo da Deputación "para convertir en galerías de arte ao aire libre modelos urbanos a priori hostiles"

“Sacar a arte dos contedores culturais permite que a veciñanza conviva coa arte no seu día a día e que comece a apreciala tamén como un ben cultural accesible”, afirmou o vicepresidente provincial na súa intervención no acto de presentación, no Museo Reina Sofía de Madrid, da Placemaking Week Europe 2022, que se celebrará en Pontevedra do 27 ao 30 de setembro e no que a Deputación terá presenza cunha intervención de arte urbana e un obradoiro sobre a mellora do espazo público a través da cultura.

Ler novas
Novas
Xosé Regueira, durante a súa intervención hoxe na CM Málaga Cities & Museums International Trade Fair

Xosé Regueira avoga pola inclusión da arte urbana nos circuítos museísticos e culturais

O vicepresidente provincial e responsable de Turismo fixo un percorrido, no marco da CM Málaga Cities & Museums International Trade Fair, pola evolución dos “museos a ceo aberto resultantes de iniciativas como o Rexenera Fest de Carballo, nacidos ao abeiro da linguaxe e de prácticas artísticas contemporáneas que xeran identidade, que conforman a memoria colectiva da veciñanza e que crean un sentimento de identificación en torno a estas pezas”.

Ler novas
Novas
Mou e Sokram, co mural que pintan no marco da feira de Turismo Cultural de Málaga

Xosé Regueira visitou o mural que Mou e Sokram pintan para a feira de turismo cultural de Málaga co apoio da Deputación Coruña

“Estamos deixando unha pegada en Málaga como exemplo de como a arte contemporánea está a crear símbolos que identifiquen e cohesionen a veciñanza nos barrios”, asegura Regueira. “A presenza da Deputación neste foro está baseada na promoción do concepto de identidade a través da arte pública e, neste sentido, tamén traemos unha parte da nosa identidade como pobo a esta cidade”.

Ler novas
Novas
O presidente e responsable de Turismo da Deputación, Xosé Regueira

A Deputación da Coruña promociona os festivais de arte urbana da provincia na feira de Turismo Cultural de Málaga

O vicepresidente e deputado de Turismo, Xosé Regueira, participará cun relatorio sobre a arte contemporánea ao aire libre e a súa relación coa promoción dixital, a través de xeolocalización, apps ou códigos QR. “Unha das apostas que está a realizar a Deputación na súa estratexia de promoción turística do territorio é a do turismo cultural, neste caso a través dos festivais de arte urbana que se desenvolven na provincia da Coruña e que levamos anos apoiando” explica.
Ler novas
Novas
Regueira, durante a súa intervención hoxe no Congreso Digital Tourist  de Benidorm

Xosé Regueira defende unha fórmula similar ao Plan Único para garantir que os Fondos Next Generation cheguen eficazmente aos concellos

O vicepresidente, que participou esta mañá no Congreso Digital Tourist de Benidorm, centrou a súa intervención nos eixos claramente enfocados á transición enérxetica e dixital que se inclúen nos Plans de Sostibilidade Turística en Destino do Eume e de Ortegal, e nos dous da Costa da Morte que están actualmente en preparación.

Ler novas
Novas
O globo de promoción da Deputación da Coruña en Turexpo 2022

A Deputación da Coruña volve a Turexpo para promover o máis singular dos xeodestinos da provincia

Como novidade, a institución provincial contará con servizos de publicidade corporativa desde un globo aerostático que incorpora o lema ‘A Coruña, unha provincia por descubrir’ e o logo da Deputación. “É un xeito”, explicou o vicepresidente provincial, Xosé Regueira, “non só de facer atractivo o paso dos visitantes polo noso stand, senón de atraer fluxos turísticos á provincia e de fomentar o turismo de natureza combinado co turismo activo”.

Ler novas
Novas
O vicepresidente e titular de Turismo da Deputación, Xosé Regueira

Xosé Regueira: “A volta de foros como Fevino é unha boa nova para o sector da enoloxía e tamén para o turismo”

O vicepresidente da Deputación participou esta mañá en Ferrol na inauguración do Salón Profesional do Viño, onde puxo en valor a calidade dos caldos galegos e salientou a importancia que están a cobrar os brancos lexítimos da indicación xeográfica protexida de Betanzos.

Ler novas
Novas
Regueira, durante a súa intervención na presentación do foro

Xosé Regueira avoga pola alianza entre turismo e gastronomía na promoción da marca Galiza

O vicepresidente da Deputación participou esta mañá na presentación do 'Galicia Fórum Gastronómico', que volve á Coruña en setembro tras o parón de dous anos de pandemia. Fixo un rápido repaso polos 20 anos de vida do Fórum Gastronómico lembrado que "durante estas dúas décadas pasamos dunha situación en que Galiza era coñecida por ter un produto de primeira calidade, contrastado e do que ninguén dubidaba, para pasar a ser unha terra dunha gastronomía de primeiro nivel". Un camiño, engadiu, "que non sería posible sen o cadro de cociñeiros e cociñeiras que están poñendo a cociña coruñesa e galega no circuíto internacional".

Ler novas
Novas
Regueira, durante a súa intervención na mesa redonda

O equilibrio entre o litoral e o interior e a diversificación de produto, obxectivos dos proxectos que Turismo da Deputación desenvolve na Costa da Morte

Na súa intervención na mesa redonda “Mazaricos, pasado e futuro entre costa e interior”, o vicepresidente da institución provincial explicou os programas e as liñas de subvencións da Deputación que afectan territorialmente ao Concello de Mazaricos, caso das axudas aos entes de xestión, “fundamentais para a mellora da calidade e da competitividade turística”, que este ano van supor unha contía global de 252.849,58 euros.

Ler novas
Novas
Regueira e Muíño, na xuntanza celebrada esta mañá en Cabana

Xosé Regueira: "O proxecto arredor do Anllóns apostará pola gastronomía local para elaborar un produto turístico de calidade"

Deputación, concellos e técnicos mantiveron hoxe en Cabana unha nova reunión para avanzar no proxecto, que pasa a chamarse 'Os fogóns do Anllóns' e cuxas seguintes accións para acceder con garantías aos fondos Next Generation terían un custo de 2.133.000 euros, a financiar en tres exercicios. O vicepresidente provincial anunciou que se buscarán tamén liñas de financiamento para integrar o sector do produto elaborado.

Ler novas
Novas
Regueira, nunha demostración culinaria de Lolo Mosteiro promovida pola Deputación

Xosé Regueira: "A gastronomía de calidade está funcionando como unha ferramenta moi útil para dar a coñecer o territorio"

Produtos culinarios singulares e cociña de autor conforman o programa de showcookings e degustacións comentadas coas que a Deputación da Coruña participa esta fin de semana na Feira ‘Expovacaciones. Tendencias & Experiencias’.  “Este tipo de promoción baseada na oferta gastronómica", explica Regueira, "é un dos nosos puntos fortes e, como tal, estamos dando pasos firmes para desenvolver unha marca gastronómica propia, que funcione como un paraugas para produtores e produtoras agroalimentarias, para empresas de transformación e para cociña de autor ou singular”.

Ler novas
Novas
Regueira e Penas, na reunión que mantiveron hoxe en Ames sobre o novo proxecto da Depresión Meridiana

Xosé Regueira anuncia a posta en marcha dun novo proxecto turístico da Deputación verbo da Depresión Meridiana

O vicepresidente provincial e o alcalde de Ames, Blas García, acordaron hoxe nunha xuntanza de traballo, na que tamén participou o deputado do BNG Xosé Lois Penas, constituír as mesas de traballo para botar a andar o plan. “Este proxecto parte dun accidente xeolóxico único que serviu para configurar territorio, para configurar cultura e para configurar unha paisaxe arredor da que queremos deseñar nos vindeiros anos produtos turísticos de calidade que sexan positivos para a poboación xeral, para a poboación residente, para os sectores económicos e tamén para o turismo”, asegurou Regueira tras a reunión. 

Ler novas
Novas
Xosé Regueira, durante a súa intervención, hoxe, no Salón B-Travel

Xosé Regueira defende no Salón B-Travel de Barcelona os recursos turísticos industriais da provincia

"Ademais de sermos un país no que o rural e o mar sempre foron fundamentais na nosa actividade económica”, explicou Regueira, “tamén temos unha importante actividade industrial e, de feito, formamos parte da Rede de Turismo Industrial do Estado, porque contamos cuns recursos neste ámbito que merecen poñerse en valor pois falan moi ben da nosa capacidade empresarial e da nosa tradición para transformar os produtos da terra e do mar nunha experiencia turística”.

Ler novas
Novas
Xosé Regueira, nunha das feiras nas que Turismo da Deputación promove os seus recursos

Xosé Regueira promoverá proxectos provinciais de turismo industrial no Salón B-Travel de Barcelona

Na xornada de apertura, Regueira participará nun relatorio sobre o Museo de Estrella Galicia-MEGA. “É unha satisfacción poder expoñer un recurso de primeiro nivel como é este Museo, que axuda a diversificar a oferta turística da provincia e mesmo de Galiza cun produto que, ademais de divulgar os valores empresariais dunha marca, serve para realzar a calidade do territorio, a aposta pola economía circular e polos produtores locais”, salienta o vicepresidente.  

Ler novas