BNG da Deputación da Coruña turismo

turismo
Novas
Regueira, nunha das actividades de Turismo da Deputación no Gastronomic Forum Barcelona

Xosé Regueira valora «moi positivamente» a participación de Turismo da Deputación no Gastronomic Forum Barcelona 2024

06/nov./2024
«Viñemos a Barcelona con veinte e cinco accións gastronómicas, como degustacións e cociña en vivo, e demostramos que estamos aliñados claramente cun produto sostible, moi arraigado no territorio, capaz de asentar poboación no rural e que, por riba de todo, lle dá á gastronomía toda a importancia que ten e merece», afirmou hoxe o vicepresidente provincial ao remate da feira.
Ler novas
Novas
Regueira, na súa intervención no falodoiro celebrado en Betanzos

Xosé Regueira: «O obxectivo de Degusta A Coruña é poñer en valor o noso sector agroalimentario e falar do futuro do turismo e da gastronomía»

28/out./2024
«A Axenda 2030 obríganos a repensar moitas outras cuestións, tamén relacionadas coa gastronomía, tanto a nivel global coma local, e este foro parécenos un espazo idóneo para reflexionar sobre eses retos de futuro», sinalou o vicepresidente na xornada inaugural do novo congreso organizado polo departamento de Turismo da Deputación.
Ler novas
Novas
Regueira, na súa intervención en Xantar, hoxe en Ourense

Xosé Regueira: «O turismo da provincia é competitivo en todo o mundo pola calidade da nosa gastronomía»

26/out./2024
«Temos a sorte de que a nosa provincia sexa un destino de refuxio porque mantén as catro estacións, o que posibilita que contemos cunha cociña de temporada que nos fai atractivos para o visitante en calquera mes do ano», salientou hoxe o vicepresidente no acto central do 25º Salón Internacional de Turismo Gastronómico Xantar, que se está a celebrar en Ourense.
Ler novas
Novas
Regueira, durante a súa intervención no VIII Foro Territorios Patrimonio, hoxe en Monforte

Xosé Regueira: «A nosa estratexia turística pasa por contribuír a protexer o territorio tendo en conta a poboación local como factor de rendibilidade»

21/out./2024
«Cos cinco Plans de Sustentabilidade Turística en Destino que temos en marcha perseguimos ademais unha xestión máis eficaz de fluxos, co obxectivo de que se descubran outros destinos da nosa provincia, e unha mellor distribución da riqueza turística, para que repercuta tamén na pequena economía local», afirmou hoxe o vicepresidente no VIII Foro Territorios Patrimonio, que se está a celebrar en Monforte.
Ler novas
Novas
Regueira, durante a súa intervención na Noite de Embaixadores

Regueira pide unha nova lei de turismo e anuncia que a Deputación reforzará a liña de axudas ao sector MICE

13/set./2024
Foi onte na Noite de Embaixadores, onde lle entregou á doutora Marisa Crespo o Premio Embaixadora A Coruña MICE Evento Internacional, celebrou os bos datos do turismo en 2024 e falou de aplicar medidas para buscar solucións á crise de man de obra do sector, mellorar a conectividade exterior con mercados clave para atraer a un perfil de visitante con maior capacidade adquisitiva e para xestionar con máis eficacia a percepción do turismo na sociedade.
Ler novas
Novas

Xosé Regueira: «Festivais coma as Meninas de Canido son quen de rexenerar o espazo público e xerar dinamismo económico e turístico»

03/set./2024
«É unha gozada saber que aquí en Ferrol, e en Canido especialmente, haxa espazos que se poden comparar aos grandes barrios de arte urbana de toda Europa e de todo o mundo», afirmou o vicepresidente provincial esta mañá na presentación do festival, que se vai celebrar do 6 ao 8 de setembro co apoio da Deputación da Coruña.
Ler novas
Novas
Regueira, cos outros intervenientes na presentación, hoxe, da plataforma

Xosé Regueira presentou en Pontedeume a plataforma de recollida de datos turísticos da Comarca do Eume

11/xul./2024
O vicepresidente salientou «a importancia de coñecer os datos de visitantes e turistas, e do seu comportamento en destinos como as Fragas do Eume, para mellorar así a competitividade e a sostibilidade e seguir avanzando cara a un turismo que, para nós, só ten razón de ser se repercute de maneira positiva no territorio, social, medioambiental e economicamente».
Ler novas
Novas
Regueira, durante a súa intervención na presentacións das probas, hoxe en Compostela

Xosé Regueira: «O surf é un elemento tractor para o turismo, pois falar de surf é falar de economía»

06/xuño/2024
O vicepresidente participou, esta mañá en Compostela, na presentación das tres probas que a World Surf League celebrará en 2024 na provincia da Coruña, as únicas en España, co apoio da Deputación: o Gadis Longboard Festival Ferrol (do 13 ao 16 de xuño), o Abanca Pantín Classic Galicia Pro (Valdoviño, do 24 de agosto ao 1 de setembro) e o Cabreiroá Junior Pro Razo (Carballo, do 24 ao 28 de de setembro).
Ler novas
Novas
Regueira entrega o premio ao gañador da mellor tapa creativa

Regueira defende na entrega dos premios do Santiago(é)Tapas a aposta de Turismo da Deputación pola cadea de valor da enogastronomía da provincia

13/mar./2024
«É sempre un gusto, e nunca mellor dito, que se empreguen os nosos programas de apoio á mellora da calidade e da competitividade; por unha banda no avance e promoción da boa restauración, e por outra, en ofrecerlles a visitantes e residentes a posibilidade de coñecer e recoñecer o excelente produto co que contamos», sinalou o vicepresidente na súa intervención.
Ler novas
Novas
Visita de Regueira a unha das casetas de Biocultura, esta mañá en Expocoruña

Xosé Regueira: «Biocultura é unha feira fundamental para nós porque trata sobre a sostibilidade, sobre a ecoloxía e sobre o futuro do turismo»

01/mar./2024
«Desde a primeira edición, en Turismo da Deputación fixemos o posible para que Biocultura se celebrase na Coruña, porque é una feira comprometida, dalgún xeito, co territorio. E, neste sentido, a estratexia da mostra e a estratexia da Deputación coinciden», sinalou o vicepresidente provincial na inauguración de Biocultura, esta mañá en Expocoruña.
Ler novas