igualdade
Novas
Muíño, durante a súa intervención hoxe no acto institucional da Deputación polo 25 N

María Muíño: "No traballo de construír unha sociedade xusta e igualitaria non sobra ninguén"

"É nos espazos dixitais onde se está dando un incremento moi importante de ataques, que afecta a amplas capas da sociedade, mais dun xeito maioritario a mulleres adolescentes", afirmou Muíño na súa intervención, este mañá, ante o alumnado do IES Puga Ramón coruñés. "Non podemos deixar que sexa unha violencia invisíbel, senón que temos que analizala, investigala, combatela e destinar recursos na prevención do 'ciberbulling', do 'sexting', do 'grooming', da 'sextorsión' ou da pornografía non consentida". Ao acto tamén asistiu o vicepresidente da Deputación, Xosé Regueira,

Ler novas
Novas
Muíño, logo da presentación da campaña arredor do 25N

María Muíño: "Queremos dotar os mozas e mozas de ferramentas para que sexan quen de recoñecer e visibilizar a violencia machista e a desigualdade"

“Os datos obxectivos indican que a violencia machista pervive de xeito estrutural na nosa sociedade”, salientou Muíño no día que a Deputación volve activar a campaña "DE FRONTE á violencia de xénero" incidindo na sensibilización do público más novo e nos efectos da tecnoloxía como elemento facilitador das desigualdades de xénero e de prácticas de violencia machista.

Ler novas
Novas
Muíño, na xuntanza celebrada esta mañá no IES Rosalía Mera

María Muíño pon en valor a liña de traballo da Deputación para dotar os concellos de persoal especializado en igualdade de xénero

A deputada reuniuse está mañá coas dezaseis axentes de igualdade que xa están incorporadas aos municipios da provincia para poñer en marcha políticas de paridade de oportunidades entre mulleres e homes e iniciativas contra a violencia machista. "A vosa presenza no territorio é fundamental para camiñar cara unha rede de concellos en igualdade, que segue a ser un obxectivo que nos marcamos no medio prazo", asegurou.

Ler novas
Novas
Ovenza, Muíño e Seixas, na xuntanza de hoxe

María Muíño adiantoulle ás entidades provinciais do sector da igualdade as liñas de traballo da Deputación para 2023

Na xuntaza que mantivo esta mañá na sede provincial, a deputada anticipoulle tamén aos representantes das asociacións que o seu departamento manterá para o 25N a mesma imaxe e lema, 'De fronte', que en edicións anteriores. "Volveremos programar", explicou, "actividades tanto presenciais como en liña, para contribuír así a poñerlle freo á violencia machista e xerar un amplo movemento social capaz de crear conciencia fronte ao feminicidio".

Ler novas
Novas
A titular de Igualdade da Deputación, María Muíño

María Muíño: "O II Circuíto de Cultura en Igualdade segue apostando por ferramentas que propicien un cambio de valores para o fomento dunha sociedade igualitaria inclusiva e diversa"

“Entre as medidas de actuación que se recolleron, logo dun proxecto participativo que durou meses, están a posta en marcha de actividades de promoción da igualdade de xénero e de respecto á diversidade, a creación dun catálogo de recursos e tamén o mantemento de apoio a proxectos culturais que inclúan a perspectiva de xénero”, explica Muíño.

Ler novas
Novas
Xosé Lois Penas, durante a súa intervención no acto oficial

Xosé Lois Penas reivindica "a necesidade de sermos contundentes contra os delitos de odio" no Día da Diversidade

O deputado de Patrimonio apoiou "o recoñecemento aos colectivos que traballan a prol da igualdade, conformados por persoas con nomes e apelidos, con historias persoais moi duras na maioría das ocasións, mais persoas que abriron moitas portas". Penas desculpou a ausencia no acto institucional, celebrado na sede da Deputación, da responsable provincial de Igualdade, María Muíño, que non puido participar por motivos personais.

Ler novas
Novas
A responsable provincial de Igualdade, María Muíño

María Muíño presentou ‘Integra o xénero’, o proxecto da Deputación para integrar a perspectiva de xénero de xeito real e efectivo nas políticas públicas

"Desde o departamento provincial de Igualdade", afirmou Muíño, “queremos que o proceso sexa participativo e colaborativo para que o resultado permaneza e sexa compartido por todos e todas”. “Trátase de detectar as necesidades e problemáticas coas que se atopa o persoal no seu contexto de traballo específico á hora de incluír dun xeito transversal a igualdade e a perspectiva de xénero”.
Ler novas
Novas
Cartel anunciador do congreso A memoria diversa

María Muíño: "O congreso 'A memoria diversa' afonda na perspectiva social, política e humana da diversidade a través de voces e movementos necesarios"

É unha das actividades de “Liberdade de ser e de sentir”, a campaña que o departamento que dirixe Muíño impulsa, co gallo do 28 de xuño, Día da diversidade sexual, para sensibilizar sobre a importancia da tolerancia e a igualdade das persoas, independentemente da súa orientación sexual e identidade de xénero.

Ler novas
Novas
A deputada provincial de Igualdade, María Muíño

A Deputación destina máis de 400.000 euros a 45 entidades que traballan no desenvolvemento de políticas de igualdade e loita contra a violencia de xénero

"Desde a Deputación valoramos esta convocatoria como moi importante, porque se dirixe ao tecido asociativo que traballa en todo o territorio e tamén porque apoia programas de grande interese social que contribúen a promover e dar pasos adiante na igualdade e a eliminación do machismo e o feminicidio", sinala a deputada de Igualdade, María Muíño.
Ler novas
Novas
Unha imaxe do acto institucional da Deputación polo 8M

María Muíño: “O 8M é unha data para a reflexión e que nos permite afirmar, á luz dos datos, que non hai igualdade”

“Para superar este marco non só hai que cumprir a lexislación que temos aprobada, que é necesaria, senón que tamén é necesario que se nos escoite, que non se usen as datas para cubrir expedientes e saír na foto, teñen que existir compromisos reais”, reivindicou a responsable provincial de Igualdade no acto institucional da Deputación polo 8M
Ler novas
Novas
Muíño, durante a súa intervención no congreso, hoxe en Ordes

María Muíño anima a alumnas e alumnos de ESO a celebrar os logros do feminismo na súa intervención no V Congreso Escolar polas Igualdades

A deputada provincial de Igualdade falou da necesidade de coñecer a importancia da loita feminista no desenvolvemento dunha sociedade cada vez máis xusta e máis igualitaria en dereitos reais. Neste contexto, salientou que tamén é necesario coñecer a situación real a día de hoxe e que, atendendo aos datos estatísticos, “aínda queda moito por facer” en cuestións relacionadas coa fenda salarial entre mulleres e homes, no desenvolvemeto das carreiras profesionais das mulleres ou en materia de conciliación laboral e familiar. 
Ler novas
Novas
A deputada provincial de Igualdade María Muíño

A Deputación destina 420.000 euros ao desenvolvemento de políticas de Igualdade e loita contra a violencia de xénero

“Desde o departamento de Igualdade da Deputación temos que apoiar políticas de igualdade que promovan accións de empoderamento e participación social, programas de mellora da empregabilidade, actividades de fomento da igualdade entre homes e mulleres ou proxectos que incidan no eido da conciliación familiar e a responsabilidade compartida”, explicou a deputada provincial María Muíño. 
Ler novas
Novas
A deputada provincial de Igualdade, María Muíño

María Muíño: "Coa nova convocatoria de axudas para a contratación de axentes estamos máis preto da Rede provincial de concellos pola igualade"

“A Rede pola igualdade permitirá unha mellor coordinación, impacto e eficacia das accións e iniciativas, pero está claro que sen persoal técnico especializado non é posible unha sociedade libre de violencias ou igual para todos", explicou Muíño a propósito da nova liña de subvencións, cuxa convocatoria, destinada a concellos de menos de 20.000 habitantes, ten aberto o prazo de presentación de solicitudes ata o 25 de febreiro.
Ler novas
Novas
Penas e Muíño, durante a súa intervención na inauguración das xornadas

Xosé Lois Penas e María Muíño defenden ‘A Luz da ciencia’ como ferramenta para acabar coas fendas de xénero nas disciplinas científicas

“Estas xornadas deben crear vínculos entre a sociedade científica e tamén poñer luz no eido das dificultades que atopan as mulleres á hora de formarse, de incorporarse ao mercado laboral e de desenvolver unha carreira profesional de dedicación e investigación no eido da ciencia”, salientou o deputado provincial de Patrimonio. A responsable de Igualdade, María Muíño, apostou pola transversalidade para romper as barreiras da discriminación por sexo: “Entendemos que o traballo pola igualdade de xénero, para ser expansivo, para acadar unha transformación real, ten que chegar a todas as áreas e a todas as accións de goberno”.

Ler novas
Portadas
María Muíño, cos gañadores do III Premio Luísa Villalta pola igualdade

María Muíño fixo entrega dos galardóns aos gañadores do III Premio Luísa Villalta a proxectos pola igualdade

“Estamos moi satisfeitas pola diversidade en temáticas, ideas e inquedanzas que representan o conxunto dos oito proxectos e que obedecen ao obxectivo de impulsar unha sociedade máis xusta e máis democrática”, afirmou a deputada provincial. Nesta terceira edición do certame, convocado pola área de Igualdade da Deputación da Coruña, resultaron premiados desde unha proposta de tradución feminista entre linguas non hexemónicas ata unha iniciativa multidisciplinar que compila testemuñas de mulleres vítimas do franquismo, pasando por audiovisuais e montaxes escénicas.

Ler novas
Novas
#DeFronte en Rianxo

María Muíño lembra que "non se pode calar ante a vulnerabilidade de quen sofre violencia machista nun país no que o envellecemento poboacional é moi alto"

"Hai estudos que demostran que un dos grupos máis vulnerábeis entre as vítimas de violencia machista é o das mulleres de máis idade e isto non é algo que poidamos calar", asegurou a deputada provincial de Igualdade. "Cómpre", engdiu, "poñer os datos enriba da mesa, visibilizar esta situación e sobre todo adoptar medidas e iso é o que se pretende con esta palestra que agardo sexa un espazo de reflexión e de formación".

Ler novas