Novas

A área de Cultura provincial dá a coñecer, a través desta primeira experiencia, o traballo de catro músicas que recibiron nas últimas dúas décadas bolsas de perfeccionamento de estudos artísticos: Rosalía Gómez Lasheras, Patricia Cadaveira, Ana Yáñez e Alma Sarasola. “Desde que as bolseiras e bolseiros da Deputación soñaron con dedicarse de xeito profesional á música ata que consiguen desenvolver as súas carreiras con éxito, hai un camiño que merece a pena ser posto en valor e ese é o obxectivo de ‘Sons para un regreso’, que o público poidamos coñecer na voz das súas protagonistas que supuxo ser bolseiras da Deputación e como influíu na súas respectivas traxectorias”, asegurou Xurxo Couto.

"Este é un dos premios máis veteranos dos que convoca esta institución e un dos certames máis prestixiados do panorama literario galego", asegurou o deputado de Cultura no acto de entrega dos galardóns, celebrado esta mañá na sede da Deputación. Logo de anunciar as obras gañadoras, Couto puxo en valor o traballo profesional de todo o equipo que colabora para chegar ao fallo, desde as comisións lectoras que leron e valoraron as preto de 500 obras que se presentaron este ano ata as dez persoas que conformaron os xurados.

Na xornada 'Cultura sustentable, o reto postcovid', Couto salientou a necesidade de "atender á responsabilidade que temos como Administración, como profesionais e como público cos grandes retos que afectan á saúde do planeta e a importancia de tomar conciencia de como os proxectos locais repercuten e suman no contexto global de emerxencia climática no que estamos actualmente". Tamén fixo fincapé na "necesidade de promover e preservar valores identitarios propios, prestar especial atención ao que nos fai culturalmente singulares, porque na singularidade e na diferenza está unha parte importante da nosa riqueza como pobo".

A Culturgal 2021, que se celebrará os días 27 e 28 de novembro no recinto feiral de Pontevedra, é en palabras do deputado de Cultura, Xurxo Couto "a cita por excelencia do tecido cultural profesional en Galiza e a Deputación da Coruña, como vén facendo nos últimos anos, volve ter unha participación activa no seu desenvolvemento". Os gañadores e gañadora dos premios Torrente Ballester, González Garcés, Raíña Lupa e Castelao, que organiza a institución provincial, falarán o sábado das súas obras.

O vicepresidente e responsable da área de Turismo da Deputación asegurou que o apoio da candidatura por parte do Comité Español “sitúanos nun momento histórico” e celebrou que o traballo realizado entre a institución provincial e concellos estea dando os froitos esperados. A Deputación e a Asocación para a xestión do Xeoparque teñen formalizado un convenio de 240.000 euros para levar a cabo as actuacións imprescindibles para a defensa da candidatura do Xeoparte perante a UNESCO.

A nova liña de axudas que sae a convocatoria inclúe a posta en marcha dun programa piloto de ecoturismo náutico. Cada un dos entes de xestión dos seis xeodestinos poderá optar á concesión dun só barco. “Trátase de ir vendo como se pode deseñar e estruturar un produto fluvial que teña rendibilidade e retorno no territorio, tanto a nivel de emprego como de economía e mesmo de ocio para a poboación residente”, explicou o vicepresidente provincial.

"Hai estudos que demostran que un dos grupos máis vulnerábeis entre as vítimas de violencia machista é o das mulleres de máis idade e isto non é algo que poidamos calar", asegurou a deputada provincial de Igualdade. "Cómpre", engdiu, "poñer os datos enriba da mesa, visibilizar esta situación e sobre todo adoptar medidas e iso é o que se pretende con esta palestra que agardo sexa un espazo de reflexión e de formación".

O vicepresidente da Deputación da Coruña participou na presentación do proxecto de Xeoparque do Cabo Ortegal ante os sete concellos que conforman a comisión intermunicipal do proxecto e as entidades sociais e do sector turístico da comarca. O proxecto, presentado aos Plans de Sustentabilidade Turística en Destino, conta inicialmente cun importe global de 3,8 millóns de euros e contempla 40 accións que se estruturan en 4 eixos programáticos de traballo: transición verde e sostible, eficiencia enerxética, transición dixital e competitividade.

O vicepresidente da Deputación participou na conferencia inaugural “Turismo e Sustentabilidade”, no marco do IV Fórum do Camiño de Santiago – FairWay, que se está a celebrar no Pazo de Congresos e Exposicións de Santiago de Compostela. “O reto", afirmou, "é que no futuro cando se fale de turismo en Galiza se fale de retorno económico no ámbito local, de xeración de emprego, e de calidade na preservación do medio natural”.

O vicepresidente da Deputación e deputado de Turismo amosa a súa satisfacción tras coñecerse que veñen de ser aprobados os dous proxectos presentados polo ente provincial á convocatoria de Plans de Sustentabilidade Turística en Destino. A protección do medio natural e o seu uso como motor de desenvolvemento, o equilibrio sustentable a nivel económico, a eficiencia enerxética e a diversificación turística, entre as caracterísicas máis salientables dos dous proxectos.

O vicepresidente defendeu na feira ourensá os programas postos en marcha polo BNG desde a área de Turismo da Deputación da Coruña para promover a provincia non só como territorio gastronómico relevante, senón como referente nacional dun turismo de proximidade que contribúa á desestacionalización. Nese sentido, citou as campañas '52 fins de semana na provincia da Coruña' e '956 quilómetros de costa e un camiño infinito'.

Na inauguración das xornadas ‘Diagnose e necesidades do museo local’, que se están celebrando no Museo das Peregrinacións de Santiago de Compostela, organizadas pola Deputación da Coruña no marco do programa ‘A cultura é un dereito’, o deputado provincial fixo referencia aos desafíos aos que se enfrontan os museos locais “nunha sociedade en constante transformación, cada vez máis virtual e máis dependente de novas canles de información e difusión online, que desenvolve novos comportamentos e que demanda novos produtos”. Neste sentido, animou a todos e a todas as participantes no encontro a profundizar en exemplos de boas prácticas e estratexias que convertan os museos en puntos de referencia cultural nas súas contornas.

A campaña que organiza a institución provincial con motivo do 25N, Día Internacional da Eliminación da Violencia contra as Mulleres, contempla un programa de actividades que busca a implicación social, de xeito especial a dos concellos e tamén a das distintas entidades sociais que traballan no territorio. Ademais, área de Igualde, que xestiona Muíno, porá a disposición da cidadanía, do o 4 ao 25 de novembro, unha serie de actividades e recursos cos que seguir levando aos espazos de traballo, educativos ou mesmo familiares a necesidade de sensibilizar fronte á desigualdade e á violencia de xénero.

O vicepresidente participou no I Encontro de Turismo Costa da Morte, organizado pola CMAT, e debullou as liñas de axudas para as actuacións dos concellos na promoción do turismo, o patrimonio, a cultura e outras actividades como o surf, para as que a institución provincial prevé este ano un investimento no territorio de 2.627.539 euros. O Parque do Megalitismo, o Proxecto Anllóns, a candidatura a Reserva Mundial de Surf e os plans para a mellora e mantemento de Dombate, as Torres do Allo, o Castelo de Vimianzo, os Batáns do Mosquetín e o Forno do Forte, entre outros, beneficiaranse do orzamento.

A responsable de Igualdade da Deputación da Coruña reuniuse coas trece axentes de igualdade xa incorporadas aos concellos para poñer en marcha iniciativas contra a violencia de xénero e políticas para que homes e mulleres teñan as mesmas oportunidades.

Os protagonistas do vídeo, que se difunde desde hoxe nas redes sociais, son Xosé Antonio Touriñán, María Mera, David Perdomo, Eva Iglesias e Verto.

A Deputación ten en marcha, tamén en colaboración con AGALURE, un programa de prevención da ludopatía nos centros educativos da provincia

O prazo de presentación de solicitudes abre o luns 3 de maio ás 8.00 horas e a tramitación será telemática a través de SUBTeL

Estas subvencións súmanse aos 12,5 millóns de euros xa concedidos a través do Fondo de Financiamento para a reactivación socioeconómica de PEL-Reactiva