Regueira defende en Fitur «a posta en marcha de estratexias que equilibren os fluxos turísticos coa necesaria protección de contornas tan sensibles coma a da Fraga do Eume»
O Plan de Sustentabilidade Turística en Destino 'Fragas do Eume' centrou o segundo acto institucional do departamento provincial de Turismo na feira madrileña, no que, ademais do vicepresidente, tamén participaron representantes municipais dos concellos de Cabanas, Pontedeume e As Pontes. Regueira apostou a súa intervención por buscar «un turista consciente e responsable».