BNG da Deputación da Coruña

BNG da Deputación da Coruña

lingua
Novas
Muíño, durante a súa intervención no acto de apertura da segunda xornada do festival

María Muíño: «A boa acollida do Festival Rosalía vén demostrar a importancia de apostar, divulgar e crear no noso idioma»

25/feb./2023
A responsable provincial de Igualdade e de Normalización Lingüísitica participou esta mañá en Compostela na inauguración da segunda xornada do Festival Rosalía, que organiza o departamento que dirixe en colaboración co Concello de Santiago. Estivo acompañada polo seu compañeiro de grupo na Deputación e titular de Patrimonio, Xosé Lois Penas; pola nosa deputada no Parlamento galego, Mercedes Queixas; polas concelleiras da corporación compostelá Mercedes Rosón, Goretti Sanmartín e Branca Novoneyra; polo presidente da Fundación Rosalía de Castro, Anxo Angueira, e polo presidente da AELG, Cesáreo Sánchez.
Ler novas
Novas
Muíño, durante a súa intervención na presentación do foro

María Muíño: "Co foro 'A Lingua e o Reino, entre Compostela e Braga' queremos promover o coñecemento e socialización colectiva e compartida do pasado, da historia propia"

12/xan./2023

Na presentación do foro, a deputada fixo fincapé na calidade do programa, que, durante os próximos seis meses, inclúe conferencias, visitas guiadas, teatro e música en ambas cidades. "Os contidos dos relatorios", sinalou, "son de extraordinaria relevancia e tratarán temas coma os nomes de lugares, a plena normalidade da lingua galego portuguesa na Baixa Idade Media, o respecto pola lírica, a construción do Reino suevo ou as estratexias para a restauración da unidade galego portuguesa".

Ler novas
Novas
María Muíño, na presentación, hoxe, dos Xogos Florais de Betanzos 2022

María Muíño salienta a figura "mítica" de Antolín Faraldo na inauguración dos Xogos Florais de Betanzos 2022

26/ago./2022

“Parafraseando a Murguía, atopámonos ante ‘o primeiro e o mellor’, un persoeiro dunha relevancia e influencia extraordinarias no noso presente, precursor na consideración da identidade e autonomía da Galiza fronte ao centralismo e que, porén, segue a ser moi descoñecido”, salientou a deputada provincial de Igualdade. “Estes Xogos Florais forman parte dunha serie de accións promovidas desde a área de Normalización Lingüística da Deputación ao redor de Faraldo, como o apoio ao libro 'Querida liberdade. Vida e obra dun precursor do rexurdimento' ou a elaboración de pequenos audiovisuais que abordan e recuperan temáticas que o intelectual betanceiro tratou nos seus artigos xornalísticos". 

Ler novas
Novas
María Muíño, durante a presentación hoxe do informe da Liña do Galego 2021

María Muíño salienta a importancia da Liña do Galego "para canalizar e visibilizar as queixas ao respecto da vulneración dos nosos dereitos lingüísticos"

29/mar./2022

Na presentación, esta mañá, do informe anual da Liña do Galego correspondente ao 2021, Muíño cualificou ese proxecto como “necesario, singular e excepcional” e anunciou que o departamento de Normalización Lingüística da Deputación da Coruña seguirao apoiando en 2022 ao estar xa aprobada en pleno a partida orzamentaria: 34.000 euros dun orzamento total de 42.500.

Ler novas
Novas
María Muíño, durante a súa intervención na presentación do catálogo

A Deputación edita o catálogo da mostra que homenaxea os 100 anos da bandeira galega

10/mar./2022
Na presentación participou a deputada de Normalización Lingüística, María Muíño, quen puxo en valor "a calidade das e dos profesionais que se dedican á ilustración na cidade da Coruña, que dan mostra da boa saúde da que goza a ilustración a día de hoxe na nosa contorna", ao tempo que salientou "a importancia de coñecer todo o proceso que conlevou esta mostra, desde as primeiras investigacións sobre o izado da bandeira ata o resultado final da exposición que recolle este catálogo, que ademais deita luz sobre unha parte da nosa historia que resulta descoñecida para unha gran parte da sociedade".
Ler novas
Novas
María Mariño e Benito Portela, durante a visita á mostra

María Muíño visitou na Casa da Cultura de Sada a exposición itinerante de homenaxe aos 100 anos da bandeira galega

05/xan./2022
A deputada provincial de Normalización Lingüística cualificou como “un gran acerto utilizar a ilustración e a banda deseñada para facer máis accesible e máis atractiva a historia da bandeira a todo tipo de públicos”. A mostra, que inclúe unha selección de obras de ilustradores e ilustradoras da plataforma Coruña Gráfica, aínda pode visitarse na Casa da Cultura sadense durante esta fin de semana. Posteriormente continuará o seu percorrido polos concellos de Santiago de Compostela, Ribeira, Carballo e San Sadurniño.
Ler novas
Novas
Cartel das homenaxe da Deputación a Francisco Tettamancy

As áreas de Patrimonio e de Normalización Lingüística da Deputación homenaxean a Francisco Tettamancy

29/dec./2021
“Neste caso, trátase de axudar a esclarecer a figura dun personaxe destacado da nosa historia, que consideramos que non é tan coñecido como debería, así como o legado que nos deixou sobre o tempo que lle tocou vivir”, asegura o deputado de Patrimonio, Xosé Lois Penas. A responsable de Normalización Lingüística, María Muíño pon o foco “na importancia de recuperar, mediante a reedición, documentos de gran valor histórico e literario e poñelos a disposición da cidadanía para dar a coñecer e profundizar en períodos fundamentais da nosa historia como pobo”.
Ler novas
Novas
María Muíño, cos directivos da MNL Celia Armas e Marcos Maceiras (arquivo)

A Deputación investirá 550 000 euros en 2022 para subvencionar os servizos de normalización lingüística

29/dec./2021
"Os concellos son as administracións máis próximas á veciñanza e, polo tanto, poden cumprir un papel esencial á hora de promover o uso do galego. Neste sentido, a Deputación da Coruña quere manter o apoio á creación dos servizos de normalización lingüística que dan apoio fundamental aos municipios no seu labor normalizador", apunta a responsable provincial da área de Normalización Lingüística, María Muíño.
Ler novas