meiras
VIDEO
Goretti Sanmartín. Balanzo de xestión: a batalla por Meirás

Goretti Sanmartín. Balanzo de xestión: a batalla por Meirás

No balanzo da súa xestión na área de Cultura, Goretti Sanmartín sinalou como fitos a constitución da Xunta Pro Devolución do Pazo de Meirás e a elaboración do informe que debe dar pé a unha demanda do Estado para recuperar o ben, demanda que volveu esixir "que se presente xa". Tamén indicou que a Rede Cultural e programas como 'Quere cantar' contribuiron decisivamente aos obxectivos de mellorar a atención á cultura galega. Sanmartín dixo que a Deputación foi quen de recuperar para a cultura o nivel de investimento anterior á crise. #gorettisanmartín 
 

Ler nova
NOVAS
Apoio á Marcha Cívica a Meirás do 10N

Apoio á Marcha Cívica a Meirás do 10N

O sábado 10 de novembro, a partir das 12.00 h., sairá a 5ª Marcha Cívica pola Devolución do pazo de Meirás ao patrimonio público do Monumento ás Vítimas da Represión Franquista, no paseo marítimo de Sada, cara o pazo de Meirás, onde ás 13.00 h. haberá unha Concentración pedindo a devolución do pazo. 

Ler nova
NOVAS
A Xunta Pro Devolución reactiva a demanda social para recuperar o Pazo de Meirás

A Xunta Pro Devolución reactiva a demanda social para recuperar o Pazo de Meirás

Apenas unha semana despois de que activistas e militantes nacionalistas declararan no Xulgado de Betanzos por unha acción de reivindicación do Pazo de Meirás, e cando tanto a Familia Franco como a Fundación Francisco Franco insisten en obstaculizar o proceso de recuperación do espazo, a Xunta Pro Devolución volverá reunirse na Deputación para volver impulsar a fronte institucional.

Ler nova
NOVAS
A Xunta Pro Devolución urxe a Madrid a que active a demanda sobre Meirás

A Xunta Pro Devolución urxe a Madrid a que active a demanda sobre Meirás

Despois da xuntanza de hoxe, a Xunta pro Devolución lémbralle ao goberno central a necesidade de "que a recuperación do Pazo forme parte da axenda política máis urxente e tome a mesma celeridade que se está a promover noutros asuntos de importancia no ámbito da recuperación da memoria histórica como é o Valle de los Caídos".

Ler nova
VIDEO
Goretti Sanmartín no pleno do 23 de marzo sobre Meirás

Goretti Sanmartín no pleno do 23 de marzo sobre Meirás

O acordo de todos os grupos da cámara para a reclamación sobre Meirás tivo o refrendo no pleno cunha votación unánime. Goretti Sanmartín volveu recordar os termos da moción que insta ao Estado a iniciar accións para recuperar o Pazo de Meirás para o patrimonio público, e parabenizou a todas as forzas políticas polo acordo que ela mesma impulsou desde a vicepresidencia da Deputación. A nacionalista tamén lembrou os antecedentes do acordo, e referíuse ao pleno de setembro no que se deu luz verde a constitución desa Xunta Pro Devolución do Pazo de Meirás que, finalmente, encargou os informes histórico e xurídico que permitiron chegar ao consenso entre todos os grupos respecto dunha solución posíbel para Meirás.

Ler nova
VIDEO
Motivacións xurídicas da reclamación de Meirás. Xavier Ferreira, profesor de Dereito da USC

Motivacións xurídicas da reclamación de Meirás. Xavier Ferreira, profesor de Dereito da USC

O informe histórico xurídico da Deputación conclúe que o Pazo de Meirás foi entregado a Franco o 5 de decembro de 1938 pola Junta Provincial Pro Pazo del Caudillo como doazón da provincia da Coruña. Un agasallo que se lle tributa en calidade de «Jefe del Estado y Generalísimo de los Ejércitos». Polo tanto, o ben debería formar parte do Patrimonio Nacional desde 1940, cando se promulgou a lei franquista, anterior a operación de compravenda do ano 41, que o informe entende "simulada". De conforme con aquela lei: “Los bienes que integran el Patrimonio Nacional, cuya propiedad corresponde al Estado, son inalienables e imprescriptibles, y no podrán sujetarse a ningún gravamen real ni a ninguna otra Responsabilidad (artigo 5). Xavier Ferreira, profesor de Dereito na USC, explicou a semana pasada na Deputación as posibilidades de emprender accións legais para reclamar o Pazo de Meirás para o patrimonio público. "Todo parece indicar que a escritura pública de compravenda das Torres de Meirás outorgada en data do 24 de Maio de 1941 é un contrato sen causa, un contrato simulado a medio do cal quen xa non era lexítimo propietario da devandita finca (lembremos que a mesma fora xa vendida en data do 31 de Marzo de 1938) finxiu a existencia dunha nova compravenda na que o comprador, que apareceu nese acto representado, o fixo a título exclusivamente particular. En consecuencia, atopámonos diante dunha venda efectuada por quen non era propietario e diante dunha compra realizada por quen, a título de Xefe de Estado, xa tiña aceptado o ben." (Informe histórico-xurídico)

Ler nova
VIDEO
Presentación do informe xurídico sobre a propiedade do Pazo de Meirás

Presentación do informe xurídico sobre a propiedade do Pazo de Meirás

A vicepresidenta da Deputación, Goretti Sanmartín, chamou a actuar "con contundencia e con axilidade" para a recuperación do Pazo de Meirás despoisa de dar a coñecer esta mañá o informe xurídico encargado pola Xunta Pro Devolución do Pazo de Meriás no que se consideran as posibilidades de levar o caso diante dos tribunais nun pleito contra a familia Franco. Na rolda de prensa participou un dos expertos, Xabier Ferreira.

Ler nova