A Deputación expresa a súa satifacción pola sentenza que avala a titularidade pública do Pazo de Meirás
No balanzo da súa xestión na área de Cultura, Goretti Sanmartín sinalou como fitos a constitución da Xunta Pro Devolución do Pazo de Meirás e a elaboración do informe que debe dar pé a unha demanda do Estado para recuperar o ben, demanda que volveu esixir "que se presente xa". Tamén indicou que a Rede Cultural e programas como 'Quere cantar' contribuiron decisivamente aos obxectivos de mellorar a atención á cultura galega. Sanmartín dixo que a Deputación foi quen de recuperar para a cultura o nivel de investimento anterior á crise. #gorettisanmartín
O sábado 10 de novembro, a partir das 12.00 h., sairá a 5ª Marcha Cívica pola Devolución do pazo de Meirás ao patrimonio público do Monumento ás Vítimas da Represión Franquista, no paseo marítimo de Sada, cara o pazo de Meirás, onde ás 13.00 h. haberá unha Concentración pedindo a devolución do pazo.
A Xunta pro Devolución do Pazo de Meirás solicitaralle á Xunta que impugne a eventual operación de venda da propiedade por parte da familia Franco
Apenas unha semana despois de que activistas e militantes nacionalistas declararan no Xulgado de Betanzos por unha acción de reivindicación do Pazo de Meirás, e cando tanto a Familia Franco como a Fundación Francisco Franco insisten en obstaculizar o proceso de recuperación do espazo, a Xunta Pro Devolución volverá reunirse na Deputación para volver impulsar a fronte institucional.
A Deputación da Coruña diríxese á Dirección Xeral de Memoria Histórica para que anime o goberno a iniciar accións xudiciais para recuperar o Pazo.
Despois da xuntanza de hoxe, a Xunta pro Devolución lémbralle ao goberno central a necesidade de "que a recuperación do Pazo forme parte da axenda política máis urxente e tome a mesma celeridade que se está a promover noutros asuntos de importancia no ámbito da recuperación da memoria histórica como é o Valle de los Caídos".
Goretti Sanmartín remite ao ministro de Cultura unha carta na que explica a situación do proceso de reclamación do Pazo de Meirás e achega os informes xurídico e histórico encargados pola Deputación.
A delegación defende que o Parlamento Europeo respalde o informe xurídico que avala a devolución do Pazo.
O acordo de todos os grupos da cámara para a reclamación sobre Meirás tivo o refrendo no pleno cunha votación unánime. Goretti Sanmartín volveu recordar os termos da moción que insta ao Estado a iniciar accións para recuperar o Pazo de Meirás para o patrimonio público, e parabenizou a todas as forzas políticas polo acordo que ela mesma impulsou desde a vicepresidencia da Deputación. A nacionalista tamén lembrou os antecedentes do acordo, e referíuse ao pleno de setembro no que se deu luz verde a constitución desa Xunta Pro Devolución do Pazo de Meirás que, finalmente, encargou os informes histórico e xurídico que permitiron chegar ao consenso entre todos os grupos respecto dunha solución posíbel para Meirás.
A vicepresidenta defende no pleno a moción acordada por todos os grupos e apoiada de maneira unánime instando ao Estado a exercitar as accións administrativas e xudiciais oportunas para a recuperación para o Patrimonio Público do Pazo de Meirás
Apoio unánime de todos os grupos políticos con representación.
O informe histórico xurídico da Deputación conclúe que o Pazo de Meirás foi entregado a Franco o 5 de decembro de 1938 pola Junta Provincial Pro Pazo del Caudillo como doazón da provincia da Coruña. Un agasallo que se lle tributa en calidade de «Jefe del Estado y Generalísimo de los Ejércitos». Polo tanto, o ben debería formar parte do Patrimonio Nacional desde 1940, cando se promulgou a lei franquista, anterior a operación de compravenda do ano 41, que o informe entende "simulada". De conforme con aquela lei: “Los bienes que integran el Patrimonio Nacional, cuya propiedad corresponde al Estado, son inalienables e imprescriptibles, y no podrán sujetarse a ningún gravamen real ni a ninguna otra Responsabilidad (artigo 5). Xavier Ferreira, profesor de Dereito na USC, explicou a semana pasada na Deputación as posibilidades de emprender accións legais para reclamar o Pazo de Meirás para o patrimonio público. "Todo parece indicar que a escritura pública de compravenda das Torres de Meirás outorgada en data do 24 de Maio de 1941 é un contrato sen causa, un contrato simulado a medio do cal quen xa non era lexítimo propietario da devandita finca (lembremos que a mesma fora xa vendida en data do 31 de Marzo de 1938) finxiu a existencia dunha nova compravenda na que o comprador, que apareceu nese acto representado, o fixo a título exclusivamente particular. En consecuencia, atopámonos diante dunha venda efectuada por quen non era propietario e diante dunha compra realizada por quen, a título de Xefe de Estado, xa tiña aceptado o ben." (Informe histórico-xurídico)
A Deputación quere que Patrimonio Nacional inicie o proceso de reclamación do Pazo de Meirás. A solidez dos informes avalan a posibilidade de devolver o Pazo de Meirás ao dominio público.
“Na nosa opinión o ben, froito deses negocios ficticios, deberá formar parte do Patrimonio Nacional”, concluíu Xabier Ferreira para o que a “opción necesaria é acudir aos tribunais de xustiza”.
A vicepresidenta da Deputación, Goretti Sanmartín, chamou a actuar "con contundencia e con axilidade" para a recuperación do Pazo de Meirás despoisa de dar a coñecer esta mañá o informe xurídico encargado pola Xunta Pro Devolución do Pazo de Meriás no que se consideran as posibilidades de levar o caso diante dos tribunais nun pleito contra a familia Franco. Na rolda de prensa participou un dos expertos, Xabier Ferreira.
