8M

A deputada de Igualdade inaugurou esta mañá na Coruña as xornadas 'Retos e resistencias das mulleres migrantes', unha iniciativa do seu departamento co gaio do 8M, coordinada pola entidade Yarama África, para alertar das múltiples barreiras que enfrontan no seu proceso de integración social, laboral e cultural e no exercicio pleno dos seus dereitos. Ao acto de apertura asistiron os seus compañeiros no grupo provincial do BNG.

«Quixemos xuntar mozas da xeración actual coas súas avoas para reflexionar en conxunto sobre a loita das mulleres do pasado, quen conseguiron importantes avances para nós con folgas, manifestacións e outras accións, coma batallas contra a policía e o exército, que nalgúns casos lles custaron a vida», explicou a deputada.

«É nosa a responsabilidade de deixarlles ás mulleres do futuro, as nosas fillas e netas, un mundo máis xusto, onde ser muller non sexa unha condición de risco, unha desvantaxe de partida», sinalou a responsable provincial de Igualdade na súa intervención.

«As mulleres estamos moi fartas de que todo o que teña que ver cos nosos dereitos sexa cuestionado, obxecto dun exame constante de opinións, descualificacións e argumentación tendenciosas». Así comezou a intervención de María Muíño no acto institucional que tivo lugar esta mañá na sede da Deputación da Coruña co gaio da celebración do 8M, no que participaron tamén o vicepresidente, Xosé Regueira, e representantes de todos os grupos políticos da corporación, e ao que puxo música o dúo Fillas de Casandra.

“Para superar este marco non só hai que cumprir a lexislación que temos aprobada, que é necesaria, senón que tamén é necesario que se nos escoite, que non se usen as datas para cubrir expedientes e saír na foto, teñen que existir compromisos reais”, reivindicou a responsable provincial de Igualdade no acto institucional da Deputación polo 8M