25n

"É nos espazos dixitais onde se está dando un incremento moi importante de ataques, que afecta a amplas capas da sociedade, mais dun xeito maioritario a mulleres adolescentes", afirmou Muíño na súa intervención, este mañá, ante o alumnado do IES Puga Ramón coruñés. "Non podemos deixar que sexa unha violencia invisíbel, senón que temos que analizala, investigala, combatela e destinar recursos na prevención do 'ciberbulling', do 'sexting', do 'grooming', da 'sextorsión' ou da pornografía non consentida". Ao acto tamén asistiu o vicepresidente da Deputación, Xosé Regueira,

“Os datos obxectivos indican que a violencia machista pervive de xeito estrutural na nosa sociedade”, salientou Muíño no día que a Deputación volve activar a campaña "DE FRONTE á violencia de xénero" incidindo na sensibilización do público más novo e nos efectos da tecnoloxía como elemento facilitador das desigualdades de xénero e de prácticas de violencia machista.

A responsábel da Área de Igualdade da Deputación, Ánxela Franco, sobre políticas públicas para as mulleres: “Formar en igualdade e descubrir que tamén hai grandes referentes femininas vai mudar as cousas”. Pide ademais ampliar os ámbitos de actuación para que as políticas públicas de Igualdade teñan efectos concretos.