O Plan de Sustentabilidade Turística en Destino 'Os fogóns do Anllóns' segue a avanzar, logo da xuntanza que Xosé Regueira mantivo cos cinco concellos que participan no proxecto: Ponteceso, Cabana de Bergantiños, Laracha, Carballo e Coristanco. O vicepresidente anunciou o inicio do procedemento de contratación da  secretaria técnica e o investimento do 30 % inicial de fondos.

Na reunión de traballo tamén se tratou a sonorización do río e a liña de subvencións para a mellora da imaxe dos establecementos de hostalería, e informouse da localización dos miradoiros e das áreas de aparcamento.

Regueira pediu a cooperación de todos os axentes implicados, unha importante aposta do seu departamento: «Porque é un proxecto que está concibido para ofrecer  un produto turístico de calidade, baseado na gastronomía local e  sostible, e para cumprir cos catro eixos transversais que os fondos Next  Generation esixen para acceder ás súas axudas: transición verde e  sostible, mellora da eficiencia enerxética, transición dixital e  competitividade».