Goretti Sanmartín, vicepresidenta da Deputación, que participou esta mañá nas nas Conversas no Parador organizadas polo Club de Prensa de Ferrol, dixo que a Deputación da Coruña realizou un investimento de máis de trinta millóns de euros na comarca de Ferrol a través do Plan Único nos exercicios de 2017 e 2018; "o plan de maior dotación da historia da institución", subliñou Sanmartín destacou na súa intervención.

A vicepresidenta defendeu ademais as “mudanzas profundas” desenvolvidas neste goberno da Deputación da Coruña, en especial, a aprobación do Plan Único que responde aos principios da autonomía dos concellos, simplificación administrativa, axuda á débeda e tamén a provedores. Arredor do novo modelo de xestión, Sanmartín destacou tamén a redución de subvencións nominativas e o incremento da cantidade que se distribúe a partir das de concorrencia competitiva.