'Lúas de outono' 2018 (10ª edición). Concerto de Susana Seivane estreando o seu no disco 'Fa'.
En presenza de Goretti Sanmartín (responsábel de Cultura da Deputación) e Saleta Goi (viúva do poeta), no remate do acto de presentación do concerto 'Lúas de outono', que o próximo mércores día 19 homenaxeará a Manuel María no Teatro Rosalía da Coruña, a gaiteira Susana Seivane ofreceu esta peza. Seivane será a encargada este ano de tocar na homenaxe ao poeta e estreará o seu novo disco 'Fa', un disco que toma o nome das iniciais dos nomes dos seus fillos.
A Deputación da Coruña e a Fundación Manuel María de Estudos Galegos formalizaron o pasado 14 de agosto un protocolo de programación polo que ambas institucións acordaron colaborar conxuntamente na difusión e posta en valor do legado teatral do escritor chairego.
