A Deputación insta a Fomento, Portos do Estado, Autoridade Portuaria, ADIF, Concello da Coruña e Xunta de Galicia a constituir un ente público como forma de participación e xestión deste novo horizonte litoral.
Xosé Regueira reitera a postura do Bloque respecto do futuro do bordo litoral da Coruña.
"Gustaríame empezar por deixar claro que é a Deputación da Coruña, e cal é o seu orzamento,,,", dixo Xosé Regueira no debate sobre o apoio da Deputación á iniciativa da Xunta respecto dos terreos portuarios da cidade da Coruña. "O que está en xogo é fundamental para o modelo de cidade, e deben ser as coruñesas e os coruñeses os que digan que queren facer cos terreos portuarios", insistiu Regueira, quen reiterou no pleno do pasado venres a postura do BNG respecto dos terreos e sinalou en que foros se debe dar o debate e lembrou que o BNG levará o asunto ao Parlamento galego.
