Festival Rosalía

A responsable provincial de Igualdade e de Normalización Lingüísitica participou esta mañá en Compostela na inauguración da segunda xornada do Festival Rosalía, que organiza o departamento que dirixe en colaboración co Concello de Santiago. Estivo acompañada polo seu compañeiro de grupo na Deputación e titular de Patrimonio, Xosé Lois Penas; pola nosa deputada no Parlamento galego, Mercedes Queixas; polas concelleiras da corporación compostelá Mercedes Rosón, Goretti Sanmartín e Branca Novoneyra; polo presidente da Fundación Rosalía de Castro, Anxo Angueira, e polo presidente da AELG, Cesáreo Sánchez.

Na presentación do festival, esta mañá no Pazo de Raxoi, a responsable provincial de Normalización Lingüística e de Igualdade salientou a calidade do programa, «pensado coma unha oferta activa, na que poder participar xa non só como público, senón tamén percorrendo a cidade para redescubrir a Compostela rosaliana».