Como novidade, a institución provincial contará con servizos de publicidade corporativa desde un globo aerostático que incorpora o lema ‘A Coruña, unha provincia por descubrir’ e o logo da Deputación. “É un xeito”, explicou o vicepresidente provincial, Xosé Regueira, “non só de facer atractivo o paso dos visitantes polo noso stand, senón de atraer fluxos turísticos á provincia e de fomentar o turismo de natureza combinado co turismo activo”.