Novas
Xosé Regueira: "Na provincia da Coruña, con ríos e lagoas dun gran potencial, precisabamos un proxecto deste tipo de aproveitamento dos recursos fluviais, claramente sustentábel"
16/nov./2021
A nova liña de axudas que sae a convocatoria inclúe a posta en marcha dun programa piloto de ecoturismo náutico. Cada un dos entes de xestión dos seis xeodestinos poderá optar á concesión dun só barco. “Trátase de ir vendo como se pode deseñar e estruturar un produto fluvial que teña rendibilidade e retorno no territorio, tanto a nivel de emprego como de economía e mesmo de ocio para a poboación residente”, explicou o vicepresidente provincial.
