No pleno de marzo o PP tamén criticou o acordo entre o goberno provincial e o goberno municipal da Coruña para a cesión da xestión do Teatro Colón á cidade a partir de xullo. Rosa Gallego, deputada popular e concelleira na Coruña, aludiu a unha suposta inconcreción do convenio. A vicepresidenta Goretti Sanmartín defendeu que o acordo explicita cal debe ser a coordinación entre as administracións e mesmo inclúe unha reserva de días para a programación propia da Deputación así como a cantidade que achegará o organismo provincial.