BNG da Deputación da Coruña :: Últimos vídeos

Orzamentos 2021

Mon, 23 Nov 2020 22:07:34 +0100

Goretti Sanmartín. Balanzo de xestión: a batalla por Meirás

Thu, 13 Jun 2019 17:13:03 +0200

No balanzo da súa xestión na área de Cultura, Goretti Sanmartín sinalou como fitos a constitución da Xunta Pro Devolución do Pazo de Meirás e a elaboración do informe que debe dar pé a unha demanda do Estado para recuperar o ben, demanda que volveu esixir "que se presente xa". Tamén indicou que a Rede Cultural e programas como 'Quere cantar' contribuiron decisivamente aos obxectivos de mellorar a atención á cultura galega. Sanmartín dixo que a Deputación foi quen de recuperar para a cultura o nivel de investimento anterior á crise. #gorettisanmartín

Goretti Sanmartín. Despedida da Deputación Provincial.

Thu, 13 Jun 2019 16:58:33 +0200

Goretti Sanmartín, a vicepresidenta, responsábel da Área de Cultura e líder nacionalista no goberno de coalición na Deputación da Coruña, anunciou este xoves que non repetirá como deputada provincial no próximo mandato para concentrarse no traballo municipal na corporación de Compostela na que será portavoz do BNG.

Anxela Franco en María Pita este martes

Wed, 6 Feb 2019 09:03:05 +0100

O proceso de posta en común cos concellos do Plan de Acción de Servizos Sociais da Deputación da Coruña avanza con xuntanzas nas cidades, despois de visitar as distintas comarcas no encontro con persoal técnico e político municipal. O concello da Coruña acolleu onte martes a xuntanza en que participaron a deputada, Ánxela Franco, e as concelleiras Rocío Fraga e Silvia Cameán ademais dunha ampla representación dos equipos técnicos das áreas das dúas institucións. Na reunión, Ánxela Franco deu conta da elaboración do Plan de Acción de Servizos Sociais, iniciado o pasado mes de marzo, como un proceso participativo que quixo contar con representantes do ámbito político e técnico municipal ademais das entidades que están a traballar no sector dos servizos sociais. Ademais, analizáronse distintos programas das políticas de benestar social da Coruña e estudáronse posíbeis liñas de colaboración con respecto de iniciativas como o Servizo de Axuda no Fogar ou a atención a persoas máis necesitadas, con vista tamén a transferir coñecementos a concellos máis pequenos, cos que a Deputación da Coruña traballa directamente. "Como noutras xuntanzas quixemos explicar o resultado do proceso en que participaron xa máis de 200 persoas en mesas de traballos comarcais e que contou tamén coa opinión e a información de entidades e colexios profesionais e que, ao noso ver, será unha ferramenta de especial relevancia no sector", sinalou a deputada Ánxela Franco.

Regueira sobre Alcoa: "Galiza ten que ser Noruega"

Tue, 30 Oct 2018 15:50:09 +0100

Galiza ten que ser Noruega, dixo o deputado do BNG Xosé Regueira esta mañá no pleno da Deputación da Coruña, no que o conxunto de forzas políticas deron o seu apoio aos traballadores de Alcoa para buscar vías de continuidade para a factoría de aluminio coruñesa. Regueira lembrou que o BNG leva décadas reclamando unha compensación na tarifa eléctrica para o país pola pegada que sofre na xeración de electricidade, e que esa tarifa permitiría ademais axudar a manter empresas como neste caso. "Galiza ten que ser Noruega", dixo o deputado do BNG, Xosé Regueira, esta mañá no pleno da Deputación da Coruña, recollendo as palabras do presidente do comité de empresa de Alcoa sobre as vantaxes no prezo da enerxía naquel país.

Presentación programa 'Malas Linguas'

Sun, 21 Oct 2018 11:47:18 +0200

"Malas Linguas" é un programa de concienciación social e combate en prol do gal que a área de Normalización Lingüística da Deputación da Coruña, coordinada por Goretti Sanmartín, lanza para contrarrestar a ausencia de políticas públicas desde a Administración autonómica que confronten realmente cos continuados ataques contra a lingua propia do país. O programa foi presentado esta mañá pola vicepresidenta da Deputación nun acto sinxelo e no que Goretti Sanmartín dixo que se quere contribuír a que "o Estado sexa un Estado realmente democrático e plurilingüístico".

Goretti Sanmartín volve advertir aos Franco sobre os bens espoliados.

Tue, 16 Oct 2018 16:20:58 +0200

Susana Seivane na presentación de 'Lúas de outono 2018'

Tue, 11 Sep 2018 14:18:09 +0200

En presenza de Goretti Sanmartín (responsábel de Cultura da Deputación) e Saleta Goi (viúva do poeta), no remate do acto de presentación do concerto 'Lúas de outono', que o próximo mércores día 19 homenaxeará a Manuel María no Teatro Rosalía da Coruña, a gaiteira Susana Seivane ofreceu esta peza. Seivane será a encargada este ano de tocar na homenaxe ao poeta e estreará o seu novo disco 'Fa', un disco que toma o nome das iniciais dos nomes dos seus fillos.

Alento para a cultura do país

Thu, 16 Aug 2018 19:59:16 +0200

Regueira sobre a colaboración da Deputación no cumprimento da lei (2)

Fri, 27 Jul 2018 21:32:02 +0200

Pleno do 27 de xullo. Regueria lembra quen sacou adiante a Lei de Benestar Animal e as súas esixencias. "A Xunta de Galiza debe asumir as súas responsabilidades no cumprimento da lei, e máis tendo en conta de que esta lei se aprobou só cos votos favorabéis do PP", lembra Xosé Regueira. Co voto favorable de todas as formacións políticas, saíu adiante unha iniciativa encamiñada a velar polo cumprimento da Lei e benestar animal no pleno da Deputación da Coruña desta mañá. A moción insta a Xunta de Galicia a velar polo cumprimento da Lei 4/2017 de protección e benestar dos animais de compañía.

Xosé Regueira, sobre o apoio da Deputación á lei benestar animal (1)

Fri, 27 Jul 2018 21:24:54 +0200

Debate no pleno de xullo sobre a colaboración da Deputación cos concellos no cumprimento da Lei de Benestar Animal. "Temos un mecanismo de colaboración cos concellos, o Plan Único, que transfire 92 millóns a obras e servizos de competencia municipal, entre eles, os servizos que esixe esta lei", di o deputado nacionalista Xosé Regueira, "o curioso é que a Xunta lexisla pero non consigna cartos para que esa lei se cumpra". | "A Xunta de Galiza debe asumir as súas responsabilidades no cumprimento da lei, e máis tendo en conta de que esta lei se aprobou só cos votos favorabéis do PP", lembra Xosé Regueira.

Un plan integral para atender ás persoas refuxiadas

Fri, 27 Jul 2018 18:31:38 +0200

Alternativa dos Veciños, por medio do seu deputado provincial Ángel García Seoane, presentou esta mañá unha moción para que a Deputación tomase a iniciativa con políticas de apoio ás persoas refuxiadas, vinculando a súa proposición con iniciativas para paliar o despoboamento e o abandono do rural. Aínda que todos os grupos dixeron compartir a análise da situación que fixo García Seoana, só o BNG expresou o seu respaldo rotundo á moción pedindo ademais que se involucrase a outras administracións no desenvolvemento dun plan integral para tratar a porblemática. No debate, e diante da posición do PP que só ve atrancos legais para levar adiante iniciativas políticas no rural, Xosé Regueira incidiu en que un plan integrar, a súa elaboración, non ten que abordar inicialmente este tipo de cuestión, e puxo algúns exemplos, como os recorrentes plans de turismo.

Investimento e prazos do plan de accesibilidade

Tue, 17 Jul 2018 18:47:43 +0200

O estudo non estará listo até abril de 2019. Leva un orzamento de 73.000 euros e foi encargado á empresa Combina Social. Álvaro García, responsable da área de Accesibilidade e Formación de Combina Social, destacou o obxectivo do programa: "poder dicir que temos unha provincia accesible", e subliñou a sensibilidade de Benestar Social ao establecer unha cláusula para reservar o contrato a empresas que empregan a persoas con discapacidades.

Proposta para mellorar a prestación de apoio aos concellos. Pleno 29 de xuño

Mon, 2 Jul 2018 14:47:10 +0200

Regueira sobre a proposta do PP de apoio aos concellos (01).

Mon, 2 Jul 2018 14:46:13 +0200

Pleno do 29 de xuño. Xosé Regueira xustifica o rexeitamento dunha moción do PP pedindo asistencia técnica aos concellos para tarefas de transparencia e protección de datos indicando que a Deputación xa presta ese servizo a concellos de menos de 5.000 habitantes. Regueira advirte ao PP que a prestación dese servizo é unha obriga legal, que o apoio por parte da Deputación merece un debate máis pausado e que o Plan Único é unha ferramenta para abordar este tipo de cuestións.

Goretti Sanmartín preside o pleno ordinario de xuño

Fri, 29 Jun 2018 16:35:07 +0200

"Falemos de nós mesmas e dos procesos de creación", di Cristina Domínguez

Sat, 9 Jun 2018 18:10:03 +0200

Organizada pola área de Cultura da Deputación da Coruña, a xornada “A escena galega sobre o palco do Colón”, reune este sábado a profesionais do ámbito da escenografía galega no Teatro Colón. Cristina Domínguez, coordinadora da xornada, dixo na presentación desta mañá que é hora de parar de falar sobre políticas culturais ("que é lóxico que o fagamos") e falar tamén "un pouco de nós mesmas como creadoras, dos procesos de creación". "O Teatro Colón ábrese como espazo de confluencia entre as distintas xeracións das artes escénicas nun encontro que agardo deixe pouso e do que nazan novos proxectos", explicou a vicepresidenta e responsábel da área de Cultura da Deputación da Coruña, Goretti Sanmartín Rei que, na súa intervención inicial, botou en falta "ámbitos para a confluencia de distintas xeracións das artes escénicas galegas nas que, ás veces, o diálogo é mínimo, camiñando por liñas paralelas segundo propostas escénicas e mesmo xeracións". Mabel Rivera e Manuel Lourenzo, entre outras, participaron xa nos debates desta mañá, e asistiron ´á primeira das charlas, cos directores Carlos Neira, Daniel Salgado e Carlos Sante.

Presentación das xornadas sobre artes escénicas no Teatro Colón.

Sat, 9 Jun 2018 17:40:14 +0200

Organizada pola área de Cultura da Deputación da Coruña, a xornada “A escena galega sobre o palco do Colón. Os procesos de creación nas artes escénicas na Galicia do século XXI”, reúne este sábado a máis profesionais do ámbito da escenografía galega no transcurso dos diferentes eventos programados no Teatro Colón. "O Teatro Colón ábrese como espazo de confluencia entre as distintas xeracións das artes escénicas nun encontro que agardo deixe pouso e do que nazan novos proxectos", explicou a vicepresidenta e responsábel da área de Cultura da Deputación da Coruña, Goretti Sanmartín Rei que, na súa intervención inicial, botou en falta "ámbitos para a confluencia de distintas xeracións das artes escénicas galegas nas que, ás veces, o diálogo é mínimo, camiñando por liñas paralelas segundo propostas escénicas e mesmo xeracións". Mabel Rivera e Manuel Lourenzo, entre outras, participaron xa nos debates desta mañá, e asistiron ´á primeira das charlas, cos directores Carlos Neira, Daniel Salgado e Carlos Sante. A xornada, a terceira quenda do programa "A Cultura é un Dereito", está coordinada por Cristina Domínguez.

Xesus Soto, no pleno do 25 de maio. Continúa o debate sobre os pregos

Tue, 29 May 2018 11:22:38 +0200

Xesús Soto Pleno do 16 de maio. A cuestión dos pregos

Tue, 29 May 2018 11:21:22 +0200