BNG da Deputación da Coruña :: Últimas novas - Novas

Cristina García e Natividade González reuníronse con Ana Mosteiro para estudar vías de colaboración entre a Deputación da Coruña e o Concello de Melide

Fri, 20 Jun 2025 10:30:27 +0200

Concelleira e deputadas visitaron as principais infraestruturas culturais e deportivas do municipio e falaron das liñas de axuda que podería achegar a institución provincial ao Concello

BNG da Deputación da Coruña lidera o cambio na provincia cun modelo de goberno responsable e políticas transformadoras

Wed, 18 Jun 2025 11:47:53 +0200

O grupo provincial do Bloque Nacionalista Galego fixo hoxe balance dos dous anos de mandato no actual goberno da Deputación da Coruña: políticas transformadoras, no local e no global, transversais, con impacto máis aló das áreas de xestión.

As políticas do BNG sitúan a vida no centro, cun enfoque feminista, ecoloxista, social e nacionalista: dous anos máis de xestión para seguir transformando a provincia da Coruña, como o BNG leva facendo na última década no Goberno da Deputación, aportando estabilidade institucional e xestión responsable, e consolidando un modelo de cogoberno eficaz.

O BNG lidera o cambio na provincia da Coruña e é modelo de goberno responsable e alternativa real de goberno á Xunta: reivindica a identidade galega, apoia aos concellos en continua cooperación, e establece canles de comunicación constante con todos os sectores.

Xosé Regueira reafirma o papel do turismo como xerador de riqueza e oportunidades no eido local

Wed, 11 Jun 2025 17:20:43 +0200

O vicepresidente provincial participou hoxe na mesa redonda 'Cara a onde vai o turismo en Galicia', do IV Foro Económico Español 'La Galicia que viene', organizado por "El Español" e Invertia na sede coruñesa d'Afundación, onde se reúnen máis de setenta relatores de primeiro nivel en sectores clave coma a enerxía, a industria, a tecnoloxía, a vivenda, o turismo e a sostibilidade.

Avia Veira pide «non validar nin aceptar máis comportamentos, actitudes nin situacións de discriminación das mulleres»

Fri, 6 Jun 2025 17:40:19 +0200

A deputada e portavoz do grupo provincial do BNG participou hoxe na inauguración do I Foro de Liderado Feminino no Rural da Costa da Morte ‘Alza Voz de Muller’, un encontro organizado pola Deputación da Coruña e o Concello de Vimianzo que reúne a 120 mulleres da provincia para compartir experiencias, retos e inspiración arredor do emprendemento e a innovación con perspectiva de xénero.

Sol Agra celebra a cultura de transmisión oral feita por mulleres na presentación, onte en Vimianzo, do "Cancioneiro Galego Serodio", de Xabier Díaz

Wed, 14 May 2025 09:31:18 +0200

«Estas Letras Galegas son especiales por moitas cousas: nas 63 edicións que levamos só foran homenaxeadas seis mulleres, pero este ano subimos a doce de vez», dixo a titular de Lingua en referencia ás seis cantareiras que representan o recoñecemento da RAG á poesía popular oral.

Sol Agra denuncia o «xenocidio que estamos permitindo en Palestina» na entrega do XXI Premio Xornalistas de Liberdade de Prensa ao Sindicato de Xornalistas Palestinos

Sat, 10 May 2025 17:36:28 +0200

«O sindicato de prensa palestino segue loitando pola liberdade informativa, garantindo que as violacións dos dereitos humanos en Palestina sexan documentadas e difundidas en todo o mundo», dixo a deputada do BNG no acto que se celebrou esta mañá no Centro Galego de Arte Contemporánea, organizado polo Colexio Profesional de Xornalistas de Galicia coa colaboración da área de Dereitos Civís da Deputación da Coruña, da que é titular Agra.

Xosé Regueira e Natividade González destacan o Interplay como «espazo de diálogo, liberdade e vangarda», na presentación da 12ª edición do festival carballés

Tue, 22 Apr 2025 15:40:16 +0200

«O Interplay é un lugar para poder enriquecerese: eu sempre aprendo moitísitimas cousas en cada edición, e podo asegurar que quen o coñece repite», dixo o vicepresidente sobre un festival que naceu e medrou grazas ao seu apoio. «Regueira», afirmou a deputada de Cultura, «soubo mirar máis alá do cotián, apostar pola innovación e dar proxección a Carballo como epicentro da creatividade e da innovación cultural, non só con esta iniciativa, senón con moitas outras que levan a marca da imaxinación, do compromiso e da visión estratéxica».

Natividade González reivindica unha cultura «como dereito e alento para facernos máis xustos, máis conscientes e máis libres»

Fri, 11 Apr 2025 12:23:57 +0200

Afirmouno esta tarde na celebración da 4ª Gala de Cultura na Deputación, que acolleu o Teatro Colón coruñés, onde estivo acompañada por Xosé Regueira, Cristina García e Avia Veira para entregar os premios dos certames convocados polo departamento provincial de Cultura en 2024.

Natividade González destaca «o grande impacto que xa están a ter no panorama cultural galego» os proxectos desenvolvidos nas Residencias Artísticas Mariñán

Mon, 7 Apr 2025 12:40:25 +0200

A deputada do BNG compartiu xornada coas e cos participantes este ano nas residencias e púxoas en valor «como un piar fundamental da programación do departamento de Cultura da Deputación, e exemplo das políticas de apoio á creación cultural na nosa provincia e en toda Galiza».

Xosé Penas defende «o traballo transversal» dos departamentos de Turismo e de Patrimonio da Deputación a prol da «excelencia e da calidade»

Thu, 3 Apr 2025 10:56:03 +0200

Fíxoo na Casa das Asociacións de Cornes compostelá, onde 131 empresas e servizos de Santiago recibiron a distinción do Sistema Integral de Calidade Turística Española en Destino, un programa da Secretaría de Estado de Turismo co que colabora a Deputación da Coruña.

Regueira reafirma no peche do Galicia Fórum «o compromiso da Deputación coa preservación da autenticidade gastroturística da provincia»

Tue, 25 Mar 2025 20:21:27 +0100

O vicepresidente provincial cualificou de «moi positivo» o paso de Turismo da Deputación pola feira, «unha cita que xa é de referencia internacional e que nos permite promover a nosa gastronomía e o noso turismo e tamén poñer en valor o traballo dos nosos produtores e produtoras locais ante un público moi diverso, tanto profesional como xeral».

Cultura da Deputación volve apoiar a excelencia da música contemporánea de vangarda do festival Resis

Fri, 21 Mar 2025 17:04:51 +0100

Na presentación hoxe do festival, Natividade González manifestou «o firme compromiso» do seu departamento «co apoio a iniciativas que, coma esta, abren camiños para a experimentación, a creación contemporánea e o diálogo entre diferentes disciplinas artísticas».

Avia Veira destaca «a importancia revolucionaria do común nun tempo de emerxencia no mundo» na entrega a Manuel Rivas do premio Coruñés do ano, do Circo de Artesáns

Thu, 20 Mar 2025 16:31:19 +0100

A portavoz do grupo provincial do BNG puxo en valor o traballo do Circo durante os seus 178 anos de vida: «Falamos dunha entidade senlleira na cultura da cidade, da provincia e do país; a sociedade viva máis antiga de Galiza e un fervedoiro cultural polo que pasaron personalidades como Manuel Murguía, Concepción Arenal, Ortega y Gasset, Miguel de Unamuno, Castelao, Vicente Risco, Emilia Pardo Bazán, Otero Pedrayo, Sofía Casanova e tantas outras».

Natividade González: «Cómpre abordar o patrimonio oral desde un marco de boas prácticas legais, éticas e de xestión»

Wed, 19 Mar 2025 19:27:26 +0100

«No departamento de Cultura da Deputación da Coruña cremos firmemente na necesidade de preservar, difundir e actualizar o noso patrimonio oral; non só porque forma parte da nosa identidade colectiva, senón porque tamén debe ser unha ferramenta viva para a creación contemporánea».

Regueira anuncia unha achega de 792 000 euros para o persoal das oficinas municipais de turismo en 2025

Fri, 14 Mar 2025 13:42:15 +0100

«Con esta liña de axudas seguimos a reforzar a capacidade dos concellos para ofrecer un servizo turístico de calidade, garantindo unha atención profesionalizada que contribúa á promoción dos nosos recursos naturais, culturais e patrimoniais», destaca o vicepresidente.

Sol Agra: «A Deputación da Coruña é esa administración aliada que promove iniciativas os 365 días do ano para fomentar a igualdade real en todos os estamentos da sociedade»

Fri, 7 Mar 2025 15:14:26 +0100

A deputada de Igualdade inaugurou esta mañá na Coruña as xornadas 'Retos e resistencias das mulleres migrantes', unha iniciativa do seu departamento co gaio do 8M, coordinada pola entidade Yarama África, para alertar das múltiples barreiras que enfrontan no seu proceso de integración social, laboral e cultural e no exercicio pleno dos seus dereitos. Ao acto de apertura asistiron os seus compañeiros no grupo provincial do BNG.

Natividade González: «As Residencias Artísticas Mariñán propician sinerxías que facilitan os procesos de creación e contribúen á calidade dos resultados finais»

Wed, 5 Mar 2025 12:58:33 +0100

A deputada do BNG presidiu os xurados que veñen de seleccionar os oito proxectos participantes nas Residencias Artísticas Mariñán 2025, convocadas pola área de Cultura da Deputación da Coruña.

Natividade González: «Na área de Cultura da Deputación o BNG segue a apostar por políticas públicas a prol da recuperación do sentido de identidade, de comunidade e de pertenza»

Mon, 17 Feb 2025 12:14:40 +0100

O departamento que xestiona a titular provincial de Cultura vén de convocar a primeira edición do Fondo de proxectos singulares en lingua galega de especial interese cultural e orientados á mellora social. Un certame que repartirá 300 000 euros entre vinte iniciativas de acción social relacionadas coa igualdade, os dereitos civís, o respecto á diversidade, o respecto medioambiental, o medre da estima colectiva e cohesión social, a integración social, a memoria democrática ou a sensibilización patrimonial e identidade local.

Xuntanza de traballo do grupo provincial do BNG e o consello comarcal de Bergantiños

Sat, 1 Feb 2025 15:38:37 +0100

A reunión serviu para que os deputados e deputadas provinciais trasladasen as principais liñas de traballo na Deputación, así coma todas as liñas de subvencións ás que poden optar os concellos das áreas gobernadas polo BNG: Turismo e Promoción Económica; Plans Provinciais e Asistencia a Municipios; Cultura; Patrimonio e Contratación e Igualdade, Lingua e Dereitos Civís.

Regueira salienta en Fitur a singularidade do Camiño Fisterra-Muxía e anima a descubrir o «encanto intanxible» da Costa da Morte

Fri, 24 Jan 2025 15:55:52 +0100

O vicepresidente provincial valorou moi positivamente a participación de Turismo da Deputación na feira madrileña: «Foi o mellor foro para lanzar a nosa campaña 'A paisaxe que sabe', coa que continuaremos promovendo a nosa gastronomía como principal destino turístico».