Novas
Unha imaxe do acto institucional da Deputación polo 8M

María Muíño: “O 8M é unha data para a reflexión e que nos permite afirmar, á luz dos datos, que non hai igualdade”

“Para superar este marco non só hai que cumprir a lexislación que temos aprobada, que é necesaria, senón que tamén é necesario que se nos escoite, que non se usen as datas para cubrir expedientes e saír na foto, teñen que existir compromisos reais”, reivindicou a responsable provincial de Igualdade no acto institucional da Deputación polo 8M
Ler novas
Muíño, durante a súa intervención no congreso, hoxe en Ordes

María Muíño anima a alumnas e alumnos de ESO a celebrar os logros do feminismo na súa intervención no V Congreso Escolar polas Igualdades

A deputada provincial de Igualdade falou da necesidade de coñecer a importancia da loita feminista no desenvolvemento dunha sociedade cada vez máis xusta e máis igualitaria en dereitos reais. Neste contexto, salientou que tamén é necesario coñecer a situación real a día de hoxe e que, atendendo aos datos estatísticos, “aínda queda moito por facer” en cuestións relacionadas coa fenda salarial entre mulleres e homes, no desenvolvemeto das carreiras profesionais das mulleres ou en materia de conciliación laboral e familiar. 
Ler novas
Xosé Regueira durante a súa intervención na xornada

Xosé Regueira avoga polo intercambio de experiencias culturais entre Portugal e Galiza como recurso turístico

O vicepresidente da Deputación participou nun encontro sobre Cooperación Trasfronteiriza na localidade portuguesa de Alijó, que analizou a experiencia cultural en relación ao territorio e a capacidade para atraer turismo. Como exemplo na provincia da Coruña, citou a liña de axudas para eventos de arte urbana que, a través da área provincial de Turismo, apoia festivais de arte de rúa consolidados en distintos concellos, como son o Desordes Creativas de Ordes, o Rexenera Fest de Carballo, o Mural Fest de Cambre, ou as Meninas de Canido de Ferrol.
Ler novas
Regueira e Muíño, durante a súa visita ás obras do CIMM de Cabanas

Xosé Regueira: "O CIMM de Cabanas está chamado a ser un polo de atracción para o turismo vencellado ao mar no norte da provincia da Coruña"

"Que o espazo estea concibido cunha perspectiva polivalente, con capacidade para albergar exposicións e actividades, así como a súa localización nun lugar estratéxico, ao pé do Camiño Inglés e na entrada do concello, posiciónano como un lugar con enormes posibilidades", engadiu o vicepresidente durante a visita que fixo á instalación, na que estivo acompañado pola súa compañeira no goberno provincial, María Muíño.
Ler novas
María Muíño, na presentación, hoxe, da campaña

María Muíño presentou ‘Mobilizadxs xti’, a campaña coa que a Deputación apela á loita contra a desigualdade da muller na sociedade actual

“A nosa reivindicación con motivo do 8M pasa por visibilizar como estamos as mulleres a día de hoxe, con datos que expliquen a nosa realidade, e que nos permitan tomar cociencia do moito que queda por facer para chegar á igualdade real”, explicou a deputada provincial de Igualdade. "O obxectivo ideal a longo prazo", engadiu, “é acabar con estes datos tan negativos e que toda a sociedade se implique nesta loita”. 
Ler novas
O responsable provincial de Cultura, Xurxo Couto

Cultura da Deputación apoia con 1,1 millóns de euros os festivais audiovisuais, musicais e de artes escénicas dos concellos e entidades

"Apoiar os festivais significa, para nós, apostar pola difusión e a creación cultural a través do que son verdadeiras plataformas de promoción das propostas existentes e tamén de creación de emprego e riqueza no sector", explica o deputado de Cultura da Deputación da Coruña, Xurxo Couto. "Este apoio á actividade cultural é un dos obxectivos destas dúas liñas de subvencións que, xunto coa Rede Cultural, significa unha aposta pola contratación e a mellora da situación laboral e económica do sector profesional da cultura, tan afectado pola pandemia".

Ler novas
Xurxo Couto e Sergio Marey, na entrevista que mantiveron hoxe na sede provincial

Xurxo Couto: "LabCareixa nace coa idea de fomentar o diálogo entre creadores e creadoras novas do campo visual, escénico e plástico"

"Trátase dun proxecto no que participan cinco artistas de diferentes disciplinas para crear de xeito colectivo unha peza escénica, de carácter performático, baseada nun texto dramático de Luísa Villalta, e que nace coa idea de continuar na liña de apoio á creación artística que vén desenvolvendo da Deputación desde hai anos”, salientou o responsable de Cultura provincial
Ler novas
Xurxo Couto e Xavier Campos, na presentación do Fondo, o pasado xaneiro

O ‘Fondo de proxectos culturais Reino de Galiza’ abre o prazo de presentación de solicitudes

Para o responsable provincial de Cultura, Xurxo Couto, “o Fondo evidencia a existencia previa dun gran interese en desenvolver iniciativas relacionadas coa nosa historia medieval e que, tal e como xa tiñamos detectado, precisan dunha canle de apoio para ver a luz”. Precisamente atendendo ao número e á tipoloxía de consultas recibidas, Couto dixo que o seu departamento “espera que esta primeira edición do Fondo arranque xa cunha diversidade de proxectos significativa e que contribúa a poñer en valor   a historia, as figuras, os lugares e os momentos do Reino medieval de Galiza”.
Ler novas
Regueira e Penas, cos representantes de Culturar, hoxe en Muros

Xosé Regueira e Xosé Lois Penas reúnense con representantes da Federación Galega pola Cultura Marítima e Fluvial para coñecer as necesidades do sector

“Ao incluír os barcos tradicionais no novo programa de subvencións”, explicou o vicepresidente provincial, “estamos dando resposta a unha demanda histórica por parte das entidades que xestionan este tipo de patrimonio e que carecen de actividades económicas propias que lles permitan asumir os custos que supón a conservación das embarcacións, un recurso dun valor cultural incalculable”.
Ler novas
O responsable do departamento de Cultura da Deputación, Xurxo Couto

A Deputación destina este ano 275.000 euros para apoiar proxectos de especial relevancia social e cultural

Para o responsable do departamento provincial de Cultura, Xurxo Couto, “a existencia dun tecido cultural privado, que ofreza contidos de calidade e de interese en lingua galega, e capaz de gañar músculo, solvencia, autonomía e capacidade de ser rendíbel, resulta fundamental para o desenvolvemento cultural normalizado do noso país e esixe da posta en marcha de políticas de apoio desde o ámbito público”. 
Ler novas
O vicepresidente da Deputación, Xosé Regueira

A Deputación da Coruña investirá medio millón de euros na primeira fase do Proxecto Anllóns

“Ademais de mellorar a saúde do río e a calidade da súas augas, pretendemos facer do curso completo, desde o seu nacemento até a súa desembocadura, un recurso aberto á sociedade, andable e transitable en bicicleta polas ribeiras, e que sexa relevante na oferta turística fluvial non só xa da Costa da Morte, senón de toda Galiza”, explicou o vicepresidente provincial, Xosé Regueira
Ler novas
Penas, cos representantes dos cinco concellos que integran o Parque Compostela Rupestre

Xosé Lois Penas reúnese cos concellos participantes en Compostela Rupestre para por en marcha as primeiras accións do Plan Director do parque arqueolóxico

“Este é o inicio real da fase executiva do proxecto, na que lle imos dar prioridade á limpeza e mantemento dos petróglifos, a compra de parcelas nas que se sitúan os xacementos en Monte Piquiño e a creación do Centro de Interpretación Rupestre de Villestro, coa vista posta no obxectivo fundamental da preservación, protección e promoción dos gravados para que sexan visitables e accesibles a toda a cidadanía”, salientou o responsable provincial de Patrimonio.
Ler novas
Xosé Regueira, durante a súa intervención no FamTrip

Xosé Regueira avoga por mellorar a conectividade co eixo Porto-Lisboa para ampliar as posibilidades turísticas

O vicepresidente e titular de Turismo da Deputación participou esta mañá no encontro con representantes de Organizadores Profesionais de Congresos no marco dun FamTrip organizado por A Coruña Convention Bureau, e salientou a excelente situación xeográfica da cidade da Coruña en relación a outros lugares de destacado interese da provincia. “Estamos 40 minutos de Ferrol, que neste momento opta a ser Patrimonio da Humanidade, ou a 50 minutos de Compostela que, ademais de ser Patrimonio da Humanidade, é unha das cidades máis visitadas”.
Ler novas
A deputada provincial de Igualdade María Muíño

A Deputación destina 420.000 euros ao desenvolvemento de políticas de Igualdade e loita contra a violencia de xénero

“Desde o departamento de Igualdade da Deputación temos que apoiar políticas de igualdade que promovan accións de empoderamento e participación social, programas de mellora da empregabilidade, actividades de fomento da igualdade entre homes e mulleres ou proxectos que incidan no eido da conciliación familiar e a responsabilidade compartida”, explicou a deputada provincial María Muíño. 
Ler novas
A deputada provincial de Igualdade, María Muíño

María Muíño: "Coa nova convocatoria de axudas para a contratación de axentes estamos máis preto da Rede provincial de concellos pola igualade"

“A Rede pola igualdade permitirá unha mellor coordinación, impacto e eficacia das accións e iniciativas, pero está claro que sen persoal técnico especializado non é posible unha sociedade libre de violencias ou igual para todos", explicou Muíño a propósito da nova liña de subvencións, cuxa convocatoria, destinada a concellos de menos de 20.000 habitantes, ten aberto o prazo de presentación de solicitudes ata o 25 de febreiro.
Ler novas
O responsable do departamento de Cultura da Deputación, Xurxo Couto

Cultura da Deputación da Coruña financia a contratación de técnicos de xestión cultural nos concellos e de persoal de atención de museos municipais

"Contribuír á profesionalización dos departamentos de cultura nos concellos, promover boas prácticas, e fomentar as programacións culturais estables é a finalidade destas dúas convocatorias que, pensamos, son indispensables para achegar a cultura de calidade a toda cidadanía", asegura Xurxo Couto. O prazo de presentación de solicitudes remata o 25 de febreiro.
Ler novas
O responsable de Turismo e vicepresidente da Deputación, Xosé Regueira

Xosé Regueira: "Coa liña de axudas para financiamento en 2022 do persoal das oficinas de turismo seguiremos incrementando a calidade e mellorando a atención no sector”

Desde 2017, as axudas da Deputación para a contratación de persoal especialista en turismo dánlle traballo no ámbito territorial da provincia  a 53 persoas e tamén servizo a un total de 62 entidades municipais. "Desde o primeiro momento fomos conscientes de que un turismo de calidade implicaba ter bos técnicos para planificar e bo persoal para informar”, explica Regueira.
Ler novas