O deputado lembrou que a través deste programa da área de Cultura da Deputación se destinan uns 2 millóns de euros anuais a cofinanciar a programación dos concellos e das entidades sen ánimo de lucro, "contabilizando ao redor de 2500 actuacións ao ano e dando lugar a un espazo de traballo moi relevante para os sectores profesionais da cultura galega". 

O vicepresidente e titular de Turismo da Deputación anunciou tamén que 'Os fogóns do Anllóns' será un dos proxectos protagonistas das actividades que o seu departamento desenvolverá en Fitur o vindeiro mes de xaneiro. "Queremos facerlle chegar ao público profesional de Fitur voces representativas tanto de sectores económicos coma de toda a parte social relacionada co río Anllóns ao longo do seu percorrido pola comarca".

Regueira puxo o foco en todo o traballo que o seu departamento provincial leva realizando ao longo dos últimos anos, de xeito continuo e desde diferentes ópticas, para sacar adiante o proxecto de Xeoparte de Cabo Ortegal da man dos 7 concellos e presentalo á candidatura da Unesco nas condicións máis vantaxosas posibles. "Eu agardo que teñamos boas novas ao respecto para a primavera", asegurou o vicepresidente referíndose á posible certificación de Cabo Ortegal como Xeoparque.

"É nos espazos dixitais onde se está dando un incremento moi importante de ataques, que afecta a amplas capas da sociedade, mais dun xeito maioritario a mulleres adolescentes", afirmou Muíño na súa intervención, este mañá, ante o alumnado do IES Puga Ramón coruñés. "Non podemos deixar que sexa unha violencia invisíbel, senón que temos que analizala, investigala, combatela e destinar recursos na prevención do 'ciberbulling', do 'sexting', do 'grooming', da 'sextorsión' ou da pornografía non consentida". Ao acto tamén asistiu o vicepresidente da Deputación, Xosé Regueira,

“Os datos obxectivos indican que a violencia machista pervive de xeito estrutural na nosa sociedade”, salientou Muíño no día que a Deputación volve activar a campaña "DE FRONTE á violencia de xénero" incidindo na sensibilización do público más novo e nos efectos da tecnoloxía como elemento facilitador das desigualdades de xénero e de prácticas de violencia machista.

"Agora que comeza a mal chamada tempada baixa, é o momento para darnos a coñecer no resto do país e apostar polo turismo interior e de proximidade", afirmou o vicepresidente da Deputación durante a súa intervención, esta mañá, no 23 Salón Internacional de Turismo Gastronómico ourensán.

A deputada reuniuse está mañá coas dezaseis axentes de igualdade que xa están incorporadas aos municipios da provincia para poñer en marcha políticas de paridade de oportunidades entre mulleres e homes e iniciativas contra a violencia machista. "A vosa presenza no territorio é fundamental para camiñar cara unha rede de concellos en igualdade, que segue a ser un obxectivo que nos marcamos no medio prazo", asegurou.

O Fórum Gastronómic de Barcelona, que terá lugar entre os días 7 e 9 de novembro, será a primeira das citas onde a área de Turismo da Deputación da Coruña desenvolverá, ao longo do vindeiro mes, un ambicioso programa de demostracións culinarias e degustacións de produtos representativos dos xeodestinos turísticos da provincia. Seguiranlle o Salón de Turismo Gastronómico ‘Xantar’ de Ourense, entre o 9 e o 13, e a Feria do  Gourmet Galego ‘Etiqueta Negra’ de Pontevedra, o 13.

Na xuntaza que mantivo esta mañá na sede provincial, a deputada anticipoulle tamén aos representantes das asociacións que o seu departamento manterá para o 25N a mesma imaxe e lema, 'De fronte', que en edicións anteriores. "Volveremos programar", explicou, "actividades tanto presenciais como en liña, para contribuír así a poñerlle freo á violencia machista e xerar un amplo movemento social capaz de crear conciencia fronte ao feminicidio".

“Entre as medidas de actuación que se recolleron, logo dun proxecto participativo que durou meses, están a posta en marcha de actividades de promoción da igualdade de xénero e de respecto á diversidade, a creación dun catálogo de recursos e tamén o mantemento de apoio a proxectos culturais que inclúan a perspectiva de xénero”, explica Muíño.

Na inauguración, este martes, da exposición do Premio Ksado de fotografía 2022, convocado pola Deputación da Coruña, o responsable provincial de Cultura felicitou o gañador, o ourensán Brais Lorenzo: "O relato da serie que presentou apela ás nosas conciencias e móvenos á reflexión, ao máis puro estilo do fotoxornalismo de denuncia social".

“Co obxecto de dotar de identidade a espazos urbanos que perderan parte da súa identidade propia”, expuxo o vicepresidente provincial, “no noso departamento puxemos en marcha un programa de subvencións do que se benefician festivais de arte pública como os que se celebran nos concellos de Ordes, Cambre, Ferrol ou Carballo”. 

O vicepresidente lembrou, durante o acto oficial de apertura do evento, que a Deputación presentará este martes unha marca gastronómica propia para recoñecer e identificar a calidade, sustentabilidade e vinculación co territorio de produtos agroalimentarios e establecementos de restauración da provincia. "Esta promoción é posible", afirmou, "grazas á profesionalidade e á competitividade dos profesionais do sector, desde os produtores e os distribuidores ata os cociñeiros e cociñeiras da provincia". 

Muíño animou ás galardoadas a “facer uso do don da creatividade para difundir valores de igualdade, xustiza social e promover o cambio cara a unha sociedade máis igualitaria”. "Deséxovos", engadiu, "que no transcurso da vosa vida adulta chegue un momento no que poidades dicir que xa non existe o efecto Matilda”.

Na inauguración do Congreso sobre o Reino de Galiza, o deputado provincial de Cultura salientou a importancia do foro que se celebra do 19 ao 22 de setembro de 2022 no Museo do Pobo Galego Santiago de Compostela: "Permítenos exercer o dereito a saber de nós, a estudar e investigar, desde o rigor e o compromiso científico, a historia dun período absolutamente central para o noso país".

O vicepresidente e responsable de Turismo, Xosé Regueira, salientou a relevancia da cita, “que forma parte verdadeira do patrimonio inmaterial  non só do territorio da Costa da Morte, senón de toda Galiza”. “O público e os visitantes que se acheguen ao Couto poderán ademais coñecer os proxectos que estamos a desenvolver desde a área de Turismo no territorio da Costa da Morte e, nomeadamente, en Ponteceso, caso do Plan do Megalitismo”.