Imprimir

Botarémoste de menos, Ánxela 

BNG | 02 de xuño de 2019

Ánxela Franco.
Ánxela Franco.

No tempo compartido, soubemos da súa forza, da súa enerxía. do seu compromiso con Galiza, da súa intensa implicación na militancia nacionalista. Vivimos a súa empatía coas persoas que atravesan situacións difíciles, as máis desprotexidas.  Pensaba que as institucións tiñan que responder as súas necesidades, afortalar as áreas que se dirixían a coidar as persoas, a apoialas nos momentos máis difíciles. Ánxela representaba a posibilidade de humanizar as institucións, facelas próximas, dotalas de sentimentos. A Ánxela Franco era difícil parala. Por momentos, parecía un furacán que era quen de  facer fronte ao que fixese falta para defender o que ela consideraba xusto. Coa verdade sempre por diante e unha sinceridade inusual, chamándolle ás cousas polo seu nome.  
Desde o BNG da Deputación queremos recoñecer o intenso labor que desenvolveu nas áreas de Igualdade e Servizos Sociais, polas que sempre pelexaba e nas que confiaba para contribuír a construír un mundo mellor. 
As persoas que tivemos a sorte de coñecela e querela estamos desoladas ante a súa perda. Ficará sempre na nosa memoria e nos nosos corazóns. 

Botarémoste de menos, Ánxela 

Que a terra che sexa leve, a túa memoria ficará connosco

Podes ver este artigo na próxima dirección /articulo/novas/botaremoste-menos-anxela/20190602150316001514.html


© 2020 BNG da Deputación da Coruña

BNG da Deputación da Coruña
Correo: depuacorunha@bng.gal