O vicepresidente, que participou esta mañá no Congreso Digital Tourist de Benidorm, centrou a súa intervención nos eixos claramente enfocados á transición enérxetica e dixital que se inclúen nos Plans de Sostibilidade Turística en Destino do Eume e de Ortegal, e nos dous da Costa da Morte que están actualmente en preparación.
"A batalla de Altamira", sinalou o deputado provincial de Patrimonio, "é un dos feitos máis importantes da historia da comarca e do país, por iso queremos que esta festa sexa vivida e sentida como propia por toda a veciñanza da zona e tamén polas persoas que queiran achegarse e participar nun encontro que quere recuperar a nosa memoria histórica”.
É unha das actividades de “Liberdade de ser e de sentir”, a campaña que o departamento que dirixe Muíño impulsa, co gallo do 28 de xuño, Día da diversidade sexual, para sensibilizar sobre a importancia da tolerancia e a igualdade das persoas, independentemente da súa orientación sexual e identidade de xénero.
Como novidade, a institución provincial contará con servizos de publicidade corporativa desde un globo aerostático que incorpora o lema ‘A Coruña, unha provincia por descubrir’ e o logo da Deputación. “É un xeito”, explicou o vicepresidente provincial, Xosé Regueira, “non só de facer atractivo o paso dos visitantes polo noso stand, senón de atraer fluxos turísticos á provincia e de fomentar o turismo de natureza combinado co turismo activo”.
O vicepresidente da Deputación participou esta mañá en Ferrol na inauguración do Salón Profesional do Viño, onde puxo en valor a calidade dos caldos galegos e salientou a importancia que están a cobrar os brancos lexítimos da indicación xeográfica protexida de Betanzos.
“Estamos firmemente convencidos da necesidade de que todas as sociedades deben coñecer o seu pasado para poder recoñecerse no presente”, sinalou o responsable provincial de Cultura. "Queremos contribuír, con humildade pero con determinación, a que a sociedade galega coñeza mellor o pasado do noso país e a historia social e política do que foi Galiza ao longo dos séculos”.
O vicepresidente da Deputación participou esta mañá na presentación do 'Galicia Fórum Gastronómico', que volve á Coruña en setembro tras o parón de dous anos de pandemia. Fixo un rápido repaso polos 20 anos de vida do Fórum Gastronómico lembrado que "durante estas dúas décadas pasamos dunha situación en que Galiza era coñecida por ter un produto de primeira calidade, contrastado e do que ninguén dubidaba, para pasar a ser unha terra dunha gastronomía de primeiro nivel". Un camiño, engadiu, "que non sería posible sen o cadro de cociñeiros e cociñeiras que están poñendo a cociña coruñesa e galega no circuíto internacional".
Couto lembrou que a posta en marcha das Residencias Artísticas é unha nova liña de traballo no apoio á creación, que vén unirse á convocatoria de certames. "Neste sentido", explicou, "pensamos que é fundamental que as institucións públicas creemos contextos favorables para que creadores e creadoras poidan desenvolver o seu talento e as súas propostas nas mellores condicións". Logo de coñecer de primeira man o proceso de creación e investigación no que están inmersas Sabela Caamaño e Antía Ameixeiras, o responsable provincial de Cultura indicou que o seu departamento está a traballar nunha "proposta que bebe da tradición e dos arquivos sonoros galegos que empregará unha linguaxe contemporánea que vai dar moito que falar nos vindeiros tempos".
Na súa intervención na mesa redonda “Mazaricos, pasado e futuro entre costa e interior”, o vicepresidente da institución provincial explicou os programas e as liñas de subvencións da Deputación que afectan territorialmente ao Concello de Mazaricos, caso das axudas aos entes de xestión, “fundamentais para a mellora da calidade e da competitividade turística”, que este ano van supor unha contía global de 252.849,58 euros.
Propostas escénicas, musicais, de edición e literatura, proxectos audiovisuais, animación en 3D, unha web sobre fortalezas, un cartafol de ilustracións e mesmo un estudo sobre tipografía medieval, entre as propostas seleccionadas nesta primeira convocatoria. "A avalancha de solicitudes recibidas indícanos que existe un tecido cultural moi interesado en crear contidos e produtos relativos ao período medieval galego", afirmou Couto.
Deputación, concellos e técnicos mantiveron hoxe en Cabana unha nova reunión para avanzar no proxecto, que pasa a chamarse 'Os fogóns do Anllóns' e cuxas seguintes accións para acceder con garantías aos fondos Next Generation terían un custo de 2.133.000 euros, a financiar en tres exercicios. O vicepresidente provincial anunciou que se buscarán tamén liñas de financiamento para integrar o sector do produto elaborado.
Produtos culinarios singulares e cociña de autor conforman o programa de showcookings e degustacións comentadas coas que a Deputación da Coruña participa esta fin de semana na Feira ‘Expovacaciones. Tendencias & Experiencias’. “Este tipo de promoción baseada na oferta gastronómica", explica Regueira, "é un dos nosos puntos fortes e, como tal, estamos dando pasos firmes para desenvolver unha marca gastronómica propia, que funcione como un paraugas para produtores e produtoras agroalimentarias, para empresas de transformación e para cociña de autor ou singular”.
A biblioteca provincial acolleu esta mañá a presentación dos catro primeiros volumes dos sete que recollen a obra completa de Manuel Lourenzo e na que participaron, ademais do propio dramaturgo, o vicepresidente da Deputación e o presidente da Federación Galiza Cultura, Xosé Manuel Carril
O vicepresidente provincial e o alcalde de Ames, Blas García, acordaron hoxe nunha xuntanza de traballo, na que tamén participou o deputado do BNG Xosé Lois Penas, constituír as mesas de traballo para botar a andar o plan. “Este proxecto parte dun accidente xeolóxico único que serviu para configurar territorio, para configurar cultura e para configurar unha paisaxe arredor da que queremos deseñar nos vindeiros anos produtos turísticos de calidade que sexan positivos para a poboación xeral, para a poboación residente, para os sectores económicos e tamén para o turismo”, asegurou Regueira tras a reunión.
