O Xeoparque de Ortegal, na feira B-Travel

Un autobús rotulado con promoción da Coruña percorreu as rúas de Barcelona esta semana.
Un autobús rotulado con promoción da Coruña percorreu as rúas de Barcelona esta semana.

Durante esta fin de semana, a Área de Turismo da Deputación promocinou en Barcelona o proxecto para a declaración do patrimonio xeolóxico de Ortegal ante a UNESCO

O Xeoparque de Ortegal, na feira B-Travel

Cun espazo propio no recinto feiral, a área de Turismo da Deputación aproveitará esta nova edición da máis importante feira do sector en Cataluña para difundir o proxecto do Xeoparques de Ortegal, ademais doutros destinos do territorio. Ademais de promoción no espazo e o programa da feira, a través da Deputación o doutor en Xeoloxía e un dos promotores do proxecto, Francisco Canosa, participou nas xornadas profesionais coa ponencia O xeoturismo en Galiza, unha maneira diferente de ver a paisaxe.

 

B-Travel A área de Turismo tamén difundirá as actividades artesanais máis representativas da provincia con mostras ao vivo como a de Esther Ferreiro que traballará diante do público a súa artesanía de prata e vidro. Como mecanismo de promoción, durante toda a semana e até este domingo,  un autobús rotulado con fotografías do Proxecto do Xeoparque percorrerá as rúas de Barcelona e ofrecerá no seu interior o vídeo promocional Coruña Like.

 

"B-Travel é un dos principais eventos no sector turístico cun retorno que reverte nas propostas que se presentan no programa da feira de Barcelona. Nesta edición, consideramos de especial interese presentar o proxecto de Xeoparque de Ortegal porque o bo resultado da proposta defende, en boa medida, do coñecemento e difusión internacional", explica o deputado Xosé Regueira.