"Quixéronos borrar da historia"

Intervención de Goretti Sanmartín no acto deste venres.
Intervención de Goretti Sanmartín no acto deste venres.

Presentación do resultado do proxecto 'Xeración Perdida' que recupera os nomes das vítimas da represión de 1936 nas corporacións municipais da Coruña.

"Quixéronos borrar da historia"

"Unha investigación pioneira e rigorosa", así defninu Goretti Sanmartín o traballo 'Xeración Perdida', dirixido polo historiador Emilio Grandío no que se establece a primeira relación de cargos políticos represariados despois do golpe militar de 1936 na provincia da Coruña. Na investigación, presentada hoxe en forma de libro, recóllese a pegada de 334 concelleiros e concelleiras que padeceron a represión nos municipios da Coruña.

 

A vicepresidenta da Deputación sinalou que as persoas ás que se lle rende unha homenaxe neste libro, "foron persoas que desempeñaron o seu traballo político e nel reflectiron seu compromiso coa democracia e coas liberdades". Sanmartín insistiu ademais en que as cifras da represión contra os cargo políticos da República foron máis alá desas 334 vítimas en 72 concellos coruñeses, e afectou "tamén ás familias, ás parellas, ás fillas e fillos... descendentes que acabaron sofrindo a represión en distintos graos, empezando polo más básico, polo silenciamento e o ocultamento das vítimas. Quixéronos borrar da historia, que non quedase ninguna pegada delas".

 

Goretti Sanmartín lembou que o proxecto naceu hai dous anos e agora se concreta na investigación de Alfonso Iglesias, Rosalía Regueiro, Manuel Pérez, Eliseo Fernández, coordinados por Emilio Grandío. Sanmartín reiterou que a recuperación dos nomes e da memoria das vítimas era "unha obriga, un dereito e un deber" por parte da Deputación Provincial.

comentarios