Tres millóns para incentivar a cultura
Aa área de Cultura, que dirixe Goretti Sanmartín, abre seis liñas de axuda destinadas a apoiar, entre outras, actividades, festivais, investimentos e programas de cultura popular.
O Boletín Oficial da Provincia (BOP) publica hoxe as bases das seis novas liñas de axuda coas que a institución provincial pretente impulsar o desenvolvemento de actividades culturais durante o ano 2018, así como reafirmar o seu apoio as entidades sen ánimo de lucro do tecido cultural da Coruña para realizar investimentos.
Liña de axuda actividades culturais para entidades sen ánimo de lucro:
A primeira das liñas de axuda, dotada cun orzamento de 1.000.000 euros, ten por obxecto favorecer a realización de actividades culturais por parte de entidades sen ánimo de lucro de natureza cultural, veciñal, socioeducativa ou asistencial. Podendo optar, segundo a modalidade á que pertenzan, a unhas partidas que oscilan entre o 1.000 e os 30.000 euros.
ttp://bop.dicoruna.es/
Liña de axuda investimento culturais para entidades sen ánimo de lucro:
Do mesmo xeito, as asociacións culturais, veciñais, xuvenís, ANPAS, e restantes entidades sen ánimo de lucro poderán concorrer a outro programa de subvencións cuxa finalidade é apoiar a realización de investimentos por parte das devanditas agrupacións. As entidades solicitantes poderán mercar material técnico e artístico vencellado as súas actividades, moblaxe, ou abordar a realización de reformas e mellora nos inmobles que sexan da súa titularidade. Desta volta, o orzamento consignado pola institución provincial acada os 300.000 euros.
http://bop.dicoruna.es/
Liña de axuda actividades corais polifónicas, bandas de música e baile tradicional, entidades musicais, formación musicais de grande formato:
A terceira das apostas económicas da Deputación da Coruña ten como destinatarios as corais polifónicas, as bandas de música populares, entidades de música e baile tradicional galego ou as formacións musicais de grande formato. Todas elas, terán a posibilidade de acceder a un programa de axudas dotado con 450.000 euros para a realización de actividades culturais durante o presente ano, ademais doutra liña de axudas, dotada con 200.000 euros, para realizar investimentos.
ttp://bop.dicoruna.es/
http://bop.dicoruna.es/
Liña de axuda realización de festivais audiovisuais musicais, musicais e de artes escénicas:
Consolidando o papel como institución que máis apoio ofrece aos festivais que se desenvolven no seu territorio, a Deputación da Coruña publica agora a liña de apoio destinada ás entidades e dotado con 500.000 euros. A iniciativa, á que se sumará a convocatoria dirixida a concellos, ten como obxectivo estimular o desenvolvemento de festivais audiovisuais, musicais e de artes escénicas por parte de entidades sen ánimo de lucro.
http://bop.dicoruna.es/
Liña de axuda desenvolvemento actividades museos, centros de interpretación e bibliotecas:
Finalmente, engádese ás anteriores convocatorias de subvencións que sae publicado hoxe no BOP a que ten por obxectivo afondar na protección e posta en valor dos bens que integran os fondos patrimoniais daquelas entidades ou fundacións da Coruña que son titulares de museos, centros de interpretación ou bibliotecas. Para este fin, e co ánimo de crear unha sociedade máis culta, igualitaria, inclusiva e respectuosa a Deputación consignou un orzamento de 500.000 euros.
http://bop.dicoruna.es/
